kaise usne ye sab kuchh mujhse chhupkar badla chehra badla rastaa badla baad men ghar badla main uske baare men ye kahtaa tha logon se meraa naam badal dena vo shaKHs agar badla vo bhi KHush tha usne dil dekar dil maanga hai main bhi KHush hooñ maine patthar se patthar badla maine kaha kya meri khaatir KHud ko badloge aur phir usne nazren badlein aur number badla

usoolon pe jahaan aanch aa.e takr aanaa zaroori hai jo zinda hon to phir zinda nazar aanaa zaroori hai nayi umron ki khudmukhtaariyon ko kaun samjh aa.e kahaan se bach ke chalna hai kahaan j aanaa zaroori hai thake haare parinde jab basere ke liye lautain saleeqamand shaakhon ka lachak j aanaa zaroori hai bahut bebaak aankhoñ men talluq tik nahin paata muhabbat men kashish rakhne ko sharm aanaa zaroori hai saleeqa hi nahin shaayad use mehsoos karne ka jo kahtaa hai KHuda hai to nazar aanaa zaroori hai mere honthon pe apni pyaas rakh do aur phir socho ki iske baad bhi duniya men kuchh p aanaa zaroori hai

ye maine kab kaha ki mere haq men faisla kare agar vo mujh se KHush nahin hai to mujhe juda kare main uske saath jis tarah guzaarta hooñ zindagi use to chahiye ki meraa shukriya ada kare meri dua hai aur ik tarah se baddua bhi hai KHuda tumhein tumhaare jaisi betiyaan ata kare banaa chuka hooñ main mohabbaton ke dard ki davaa agar kisi ko chahiye to mujhse raabta kare

mere bas men nahin varna qudrat ka likha hua kaatta tere hisse men aa.e bure din koi doosra kaatta laariyon se zyaada bahaav tha tere har ik lafz men main ishaara nahin kaat saka teri baat kya kaatta maine bhi zindagi aur shab e hijr kaatee hai sabki tarah vaise behtar to ye tha ke main kam se kam kuchh naya kaatta tere hote hue mombatti bujhaai kisi aur ne kya khushi rah gayi thii janmdin ki main cake kya kaatta koi bhi to nahin jo mere bhookhe rahne pe naaraz ho jail men teri tasveer hoti to hanskar saza kaatta

suna hai log use aankh bhar ke dekhte hain so us ke shahar men kuchh din thehar ke dekhte hain suna hai rabt hai us ko kharaab-haalon se so apne aap ko barbaad kar ke dekhte hain suna hai dard ki gaahak hai chashm-e-naaz us ki so ham bhi us ki gali se guzar ke dekhte hain suna hai us ko bhi hai she'r o shaayri se shagaf so ham bhi mo'jize apne hunar ke dekhte hain suna hai bole to baaton se phool jhadte hain ye baat hai to chalo baat kar ke dekhte hain suna hai raat use chaand takta rehta hai sitaare baam-e-falak se utar ke dekhte hain suna hai din ko use titliyan sataati hain suna hai raat ko jugnoo thehar ke dekhte hain suna hai hashr hain us ki ghazaal si aañkhen suna hai us ko hiran dasht bhar ke dekhte hain suna hai raat se badh kar hain kaakulen us ki suna hai shaam ko saa.e guzar ke dekhte hain suna hai us ki siyah-chashmagi qayamat hai so us ko surma-farosh aah bhar ke dekhte hain suna hai us ke labon se gulaab jalte hain so ham bahaar pe ilzaam dhar ke dekhte hain suna hai aaina timsaal hai jabeen us ki jo saada dil hain use ban-sanwar ke dekhte hain suna hai jab se hamaail hain us ki gardan men mizaaj aur hi laal o guhar ke dekhte hain suna hai chashm-e-tasavvur se dasht-e-imkaan men palang zaaviye us ki kamar ke dekhte hain suna hai us ke badan ki taraash aisi hai ki phool apni qabaayein katar ke dekhte hain vo sarv-qad hai magar be-gul-e-muraad nahin ki us shajar pe shagoofe samar ke dekhte hain bas ik nigaah se lutta hai qaafila dil ka so rah-ravaan-e-tamanna bhi dar ke dekhte hain suna hai us ke shabistaan se muttasil hai behisht makeen udhar ke bhi jalwe idhar ke dekhte hain ruke to gardishein us ka tawaaf karti hain chale to us ko zamaane thehar ke dekhte hain kise naseeb ki be-pairhan use dekhe kabhi kabhi dar o deewaar ghar ke dekhte hain kahaaniyaan hi sahi sab mubaalga hi sahi agar vo KHvaab hai taabeer kar ke dekhte hain ab us ke shahar men thehre ki kooch kar jaayen faraaz aao sitaare safar ke dekhte hain

kaise eimaan nahin laayenge ham tere sar ki kasam khayenge phool fekengen bas aane pe mere apne bazu nahin felaayenge itne barso ki judaai hai ki ab us..ko dekhenge to mar jaayenge

main use chaahne waalon men ghira chhod gaya yaanii us ped ko utna hi ghana chhod gaya cheezen girti gaiin raaste men fate thaile se chor ghaflat men thikaane ka pata chhod gaya waapas aane ko tasalli dii na seene se laga koi jaate hue darwaaza khula chhod gaya sirf aate hue qadmon ke nishaan milte hain KHud kahaan hai jo kinaare pe ghada chhod gaya saath rakha na palatne diya ghar ki jaanib koi kashtii ko jazeera se laga chhod gaya

dhundhlaa gaya hooñ door ke manzar men ja ke main pachta raha hooñ shahr se qasbe men aa ke main ab us kali pe sirf mira haq hai dosto lautaa hooñ haath ped ko pahle laga ke main shola diye ko zindagi dete hi bujh gaya manzar se hat gaya use manzar pe la ke main sahab yaqeen keejiye chori ki khoo nahin baagh aa gaya hooñ dost ki baaton men aa ke main us dar ke band hone ka badla liya hai dost jo bechta raha hooñ dariche banaa ke main

ped paudhe hain titliyan nahin hain kaisa qasba hai ladkiyaan nahin hain dekhkar paanv rakhna padta hai in pahaadon pe seedhiyaan nahin hain mere angoothe se khulega ye lock is tijori ki chaabiyaan nahin hain naav ka varna mas'ala nahin tha is jazeera pe lakdiyaan nahin hain baddua lag gaii hai kiski useus kalaaee men choodiyaan nahin hain baarish aayi to bheeg jaayenge pedon ke paas chhatriyaan nahin hain

bole to achha bura mehsoos ho uski khaamoshi se kya mehsoos ho is tarah deewaar par tasveer rakh aadmi baitha hua mehsoos ho daam munh maange milenge aur naqd qatl lekin haadsa mehsoos ho rakh liya akhbaar paison ki jagah taaki batua kuchh bhara mehsoos ho dekhna chaahoon use to har koi meri jaanib dekhta mehsoos ho paas jaane par khule pyaase pe ret door se paani khada mehsoos ho