teraa chup rahna mere zehan men kya baith gaya itni aawaazen tujhe deen ki gala baith gaya yuñ nahin hai ki faqat main hi use chahta hooñ jo bhi us ped ki chaanv men gaya baith gaya itnaa meetha tha vo ghusse bhara lahjaa mat poochus ne jis ko bhi jaane ka kaha baith gaya apna ladna bhi mohabbat hai tumhein ilm nahin cheeKHtii tum rahi aur meraa gala baith gaya us ki marzi vo jise paas bitha le apne is pe kya ladna fulan meri jagah baith gaya baat daryaon ki suraj ki na teri hai yahaañ do qadam jo bhi mere saath chala baith gaya bazm-e-jaanan men nashisten nahin hoti makhsoos jo bhi ik baar jahaan baith gaya baith gaya

baithe hain chain se kahii j aanaa to hai nahin ham be-gharon ka koi thik aanaa to hai nahin tum bhi ho beete vaqt ke maanind hoo-b-hoo tum ne bhi yaad aanaa hai aanaa to hai nahin ahad-e-wafaa se kis li.e khaif ho meri jaan kar lo ki tum ne ahd nibh aanaa to hai nahin vo jo ha men aziz hai kaisa hai kaun hai kyun poochte ho ham ne bat aanaa to hai nahin duniya ham ahl-e-ishq pe kyun fenkti hai jaal ham ne tire fareb men aanaa to hai nahin vo ishq to karega magar dekh bhaal ke faris vo tere jaisa deewana to hai nahin

ham ne kab chaaha ki vo shaKHs hamaara ho jaa.e itnaa dik jaa.e ki aankhoñ ka guzaara ho jaa.e ham jise paas bitha len vo bichhad jaata hai tum jise haath laga do vo tumhaara ho jaa.e tum ko lagta hai ki tum jeet ga.e ho mujh se hai yahii baat to phir khel dubara ho jaa.e hai mohabbat bhi ajab tarz-e-tijaarat ki yahaañ har dukaan-daar ye chahe ki khasaara ho jaa.e

chaand sitaare phool parinde shaam savera ek taraf saari duniya uskaa charba uskaa chehra ek taraf vo ladhkar bhi so jaa.e to uskaa maatha choomun main usse muhabbat ek taraf hai usse jhagda ek taraf jis shay par vo ungli rakh de us..ko vo dilwaani hai uski khushiyaan sab se awwal sasta mehnga ek taraf zaKHmon par marham lagwao lekin uske haathon se chaarasaazi ek taraf hai uskaa choona ek taraf saari duniya jo bhi bole sab kuchh shor sharaaba hai sab ka kehna ek taraf hai uskaa kehna ek taraf usne saari duniya maangi maine us..ko maanga hai uske sapne ek taraf hai meraa sapna ek taraf

aqal ne achchhe achhon ko behkaaya tha shukr hai ham par kuchh vehshat ka saaya tha tum ne apni gardan unchi hi rakkhi varna main to maala lekar aaya tha main ab tak uske hi rang men rangaa hooñ jisne sabse pahle rang lagaaya tha meri raay sabse pahle li jaaye maine sabse pahle dhokha khaaya tha sabko ilm hai phool aur khushboo dono men sabse pahle kisne haath chhudaaya tha ik ladki ne phir mujh...ko behkaaya hai ik ladki ne achchhe se samjhaaya tha

koi dhun ho main tire geet hi g aa.e jaaun dard seene men uthe shor mach aa.e jaaun KHvaab ban kar tu barsta rahe shabnam shabnam aur bas main isee mausam men nah aa.e jaaun tere hi rang utarte chale jaayen mujh men KHud ko likkhoon tiri tasveer ban aa.e jaaun jis ko milnaa nahin phir us se mohabbat kaisi sochta jaaun magar dil men bas aa.e jaaun ab tu us ki hui jis pe mujhe pyaar aata hai zindagi aa tujhe seene se lag aa.e jaaun yahii chehre mire hone ki gawaahi denge har naye harf men jaañ apni sam aa.e jaaun jaañ to cheez hai kya rishta-e-jaan se aage koi awaaz diye jaa.e main aa.e jaaun shaayad is raah pe kuchh aur bhi raahi aayen dhoop men chaltaa rahoon s aa.e bichh aa.e jaaun ahl-e-dil honge to samjhenge sukhun ko mire bazm men aa hi gaya hooñ to sun aa.e jaaun

shikasta-haal sa be-aasra sa lagta hai ye shahar dil se ziyaada dukha sa lagta hai har ik ke saath koi vaqiaa' sa lagta hai jise bhi dekho vo khoya hua sa lagta hai zameen hai so vo apni gardishon men kahii jo chaand hai so vo toota hua sa lagta hai mere watan pe utarte hue andheron ko jo tum kaho mujhe qahr-e-khuda sa lagta hai jo shaam aayi to phir shaam ka laga darbaar jo din hua to vo din karbala sa lagta hai ye raat kha gaii ik ek kar ke saare charaaghh jo rah gaya hai vo bujhta hua sa lagta hai dua karo ki main us ke li.e dua ho jaaun vo ek shaKHs jo dil ko dua sa lagta hai to dil men bujhne si lagti hai kaayenaat tamaam k abhii k abhii jo mujhe tu bujha sa lagta hai jo aa rahi hai sadaa ghaur se suno us ko ki is sadaa men KHuda bolta sa lagta hai abhii khareed len duniya kahaan ki mahangi hai magar zameer ka sauda bura sa lagta hai ye maut hai ya koi aakhiri visaal ke baa'd ajab sukoon men soya hua sa lagta hai hawaa-e-rang-e-do-aalam men jaagti hui lay aleem hi kahii naghma-saraa sa lagta hai

hijr karte ya koi vasl guzaara karte ham bahr-haal basar KHvaab tumhaara karte ek aisi bhi ghadi ishq men aayi thii ki ham KHaak ko haath lagaate to sitaara karte ab to mil jaao ha men tum ki tumhaari khaatir itni door aa ga.e duniya se kinaara karte mehav-e-aaraish-e-rukh hai vo qayamat sar-e-baam aankh agar aaina hoti to nazaara karte ek chehre men to mumkin nahin itne chehre kis se karte jo koi ishq dobara karte jab hai ye khaana-e-dil aap ki khilwat ke li.e phir koi aa.e yahaañ kaise gawara karte kaun rakhta hai andhere men diya aankh men KHvaab teri jaanib hi tire log ishaara karte zarf-e-aaina kahaan aur tira husn kahaan ham tire chehre se aaina sanwaara karte

ab tu ho kisi rang men zaahir to mujhe kya thehre tire ghar koi musaafir to mujhe kya veeraana-e-jaan ki jo fazaa thii so rahegi chahke kisi gulshan men vo taair to mujhe kya vo shama' mire ghar men to be-noor hi thehri bazaar men vo jins ho naadir to mujhe kya vo rang-fishaan aankh vo tasveer-numa haath dikhlaayen naye roz manaazir to mujhe kya main ne use chaaha tha to chaaha na gaya main chahe mujhe ab vo mirii khaatir to mujhe kya duniya ne to jaana ki numoo us men hai mirii ab ho vo mirii zaat ka munkir to mujhe kya ik KHvaab tha aur bujh gaya aankhoñ hi men apni ab koi pukaare mire shaair to mujhe kya

jo us ne kiya use sila de maula mujhe sabr ki jazaa de ya mere diye ki lau badha de ya raat ko subh se mila de sach hooñ to mujhe amar banaa de jhoota hooñ to naqsh sab mita de ye qaum ajeeb ho gaii hai is qaum ko khoo-e-ambiya de utarega na koi aasmaañ se ik aas men dil magar sadaa de bacchon ki tarah ye lafz mere maabood inhen bolna sikha de dukh dehr ke apne naam likkhoon har dukh mujhe zaat ka mazaa de ik miraa vujood sun raha hai ilhaam jo raat ki hawa de mujh se miraa koi milne vaala bichhda to nahin magar mila de chehra mujhe apna dekhne ko ab dast-e-hawas men aaina de jis shaKHs ne umr-e-hijr kaateeus shaKHs ko ek raat kya de dukhta hai badan ki phir mile vo mil jaa.e to rooh ko dikha de kya cheez hai khwahish-e-badan bhi har baar naya hi zaaika de choone men ye dar ki mar na jaaun choo luun to vo zindagi siva de