usii jagah par jahaan kaii raaste milenge palat ke aa.e to sabse pahle tujhe milenge agar kabhi tere naam par jang ho gaii to ham aise buzdil bhi pahli saf men khade milenge tujhe ye sadken mere tavassut se jaanti hain tujhe hamesha ye sab ishaare khule milenge

ye gham kya dil ki aadat hai nahin to kisi se kuchh shikaayat hai nahin to hai vo ik khwaab-e-be taabeer isko bhula dene ki niyat hai nahin to kisi ke bin kisi ki yaad ke bin ji.e jaane ki himmat hai nahin to kisi soorat bhi dil lagta nahin haan to kuchh din se ye haalaat hai nahin to tujhe jisne kahi ka bhi nahin rakha vo ek jaati si vehshat hai nahin to tere is haal par hai sab ko hairat tujhe bhi is pe hairat hai nahin to ham-aahangi nahin duniya se teri tujhe is par nadaamat hai nahin to vo darveshi jo taj kar aa gaya...tu yah daulat us ki qeemat hai nahin to hua jo kuchh yahii maqsoom tha kya yahii saari hikaayat hai nahin to aziyat-naak ummeedon se tujhko aman paane ki hasrat hai nahin to tu rehta hai khayaal-o-khvaab men gam to is wajah se fursat hai nahin to wahaan waalon se hai itni mohabbat yahaan waalon se nafrat hai nahin to sabab jo is judaai ka banaa hai vo mujhse khubsoorat hai nahin to

bas ik usii pe to poori tarah ayaan hoon main vo kah raha hai mujhe raigaan to haan hoon main jise dikhaai doon meri taraf ishaara kare mujhe dikhaai nahin de raha kahaan hoon main idhar-udhar se nami ka risaav rehta hai sadak se neeche banaya gaya makaan hoon main kisi ne poocha ki tum kaun ho to bhool gaya abhii kisi ne bataaya to tha falan hoon main main KHud ko tujh se mitaaounga ehtiyaat ke saath tu bas nishaan laga de jahaan jahaan hoon main main kis se poochhun ye rastaa durust hai ki galat jahaan se koi guzarta nahin vahaan hoon main

kisi libaas ki khushboo jab ud ke aati hai tere badan ki judaai bahut sataati hai tere gulaab tarsate hain teri khushboo ko teri safed chameli tujhe bulaati hai tere baghair mujhe chain kaise padta hain mere bagair tujhe neend kaise aati hai

haath khaali hain tire shahar se jaate jaate jaan hoti to mirii jaan lutate jaate ab to har haath ka patthar ha men pahchaanta hai umr guzri hai tire shahar men aate jaate ab ke mayus hua yaaron ko ruksat kar ke ja rahe the to koi zakham lagaate jaate renagne ki bhi ijaazat nahin ham ko warna ham jidhar jaate naye phool khilaate jaate main to jalte hue seharaaon ka ik patthar tha tum to dariyaa the mirii pyaas bujhaate jaate mujh ko rone ka saleeqa bhi nahin hai shaayad log hanste hain mujhe dekh ke aate jaate ham se pahle bhi musaafir kaii guzre honge kam se kam raah ke patthar to hataate jaate

pal men jahaan ko dekhte mere dubo chuka ik vaqt men ye deeda bhi toofaan ro chuka afsos mere murde par itnaa na kar ki ab pachtana yuñ hi sa hai jo hona tha ho chuka lagti nahin palak se palak intizaar men aañkhen agar yahii hain to bhar neend so chuka yak chashmak-e-pyaala hai saaqi bahaar-e-umr jhapki lagii ki door ye aaKHir hi ho chuka mumkin nahin ki gul kare waisi shaguftagius sarzameen men tukhm-e-mohabbat main bo chuka paaya na dil bahaaya hua sail-e-ashk ka main panja-e-miza se samundar bilo chuka har subh haadse se ye kahtaa hai aasmaañ de jaam-e-khoon meer ko gar munh vo dho chuka

mustoojib-e-zulm-o-sitam-o-jaur-o-jafa hooñ har-chand ki jalta hooñ pe sargarm-e-wafa hooñ aate hain mujhe khoob se dono hunar-e-ishq rone ke tai aandhi hooñ kudhne ko bala hooñ is gulshan-e-duniya men shagufta na hua main hooñ ghuncha-e-afsurdah ki mardood-e-saba hooñ ham-chashm hai har aabla-e-paa ka mira ashk az-bas ki tiri raah men aankhoñ se chala hooñ aaya koi bhi tarah mire cheen ki hogii aazurda hooñ jeene se main marne se KHafaa hooñ daaman na jhatak haath se mire ki sitamgar hooñ khaak-e-sar-e-raah koi dam men hua hooñ dil khwaah jala ab to mujhe ai shab-e-hijraan main sokhta bhi muntazir-e-roz-e-jaza hooñ go taqat-o-aaraam-o-khor-o-khwaab ga.e sab baare ye ghaneemat hai ki jeeta to raha hooñ itnaa hi mujhe ilm hai kuchh main hooñ bahr-cheez ma'aloom nahin khoob mujhe bhi ki main kya hooñ behtar hai garz KHaamushi hi kehne se yaaraan mat poochho kuchh ahvaal ki mar mar ke jiya hooñ tab garm-e-sukhan kehne laga hooñ main ki ik umr jun shama' sar-e-shaam se ta-subh jala hooñ seena to kiya fazl-e-ilaahi se sabhi chaak hai waqt-e-dua meer ki ab dil ko laga hooñ

kahii pahuncho bhi mujh be-pa-o-sar tak ki pahuncha sham'a-saan daagh ab jigar tak kuchh apni aankh men yaa ka na aaya khazaf se le ke dekha dar-e-tar tak jise shab aag sa dekha sulagte use phir KHaak hi paaya sehar tak tira munh chaand sa dekha hai shaayad ki anjum rahte hain har shab idhar tak jab aaya aah tab apne hi sar par gaya ye haath kab us ki kamar tak ham aawazon ko sair ab ki mubarak par-o-baal apne bhi aise the par tak khinchi kya kya kharaabi zer-e-deewar wale aaya na vo tak ghar se dar tak gali tak teri laaya tha ha men shauq kahaan taqat ki ab phir jaayen ghar tak yahii dard-e-judai hai jo is shab to aata hai jigar mizgaan-e-tar tak dikhaai denge ham mayyat ke rangon agar rah jaayenge jeete sehar tak kahaan phir shor shevan jab gaya meer ye hangaama hai is hi nauhagar tak

ab aankhoñ men khun dam-b-dam dekhte hainna poochho jo kuchh rang ham dekhte hain jo be-akhtiyaari yahii hai to qaasid humeen aa ke us ke qadam dekhte hain gahe daagh rehta hai dil ga jigar khun un aankhoñ se kya kya sitam dekhte hain agar jaan aankhoñ men us bin hai to ham abhii aur bhi koi dam dekhte hain likhen haal kya us ko hairat se ham to gahe kaaghaz o gah qalam dekhte hain wafa-peshgi qais tak thii bhi kuchh kuchh ab us taur ke log kam dekhte hain kahaan tak bhala rooge meer'-saahib ab aankhoñ ke gird ik varm dekhte hain

kya kahiye ki khooban ne ab ham men hai kya rakha in chashm-siyaahon ne sudhrenge ko sula rakha jalwa hai usii ka sab gulshan men zamaane ke gul phool ko hai un ne parda sa banaa rakha jun berg khizan-deeda sab zard hue ham to garmi ne ha men dil ki aaKHir ko jala rakha kahiye jo tameez us ko kuchh achchhe bure ki ho dil jis kaso ka paaya chat un ne uda rakha thii maslak-e-ulfat ki mashhoor khatarnaaki main deeda-o-daanista kis raah men pa rakha khursheed-o-qamar pyaare rahte hain chhupe koi rukhsaaron ko go tu ne burqa se chhupa rakha chashmak hi nahin taazi sheve ye usii ke hain jhamki si dikha de kar aalam ko laga rakha lagne ke li.e dil ke chhidka tha namak main ne sau chaati ke zaKHmon ne kal der mazaa rakha kushte ko is abroo ke kya mel ho hasti ki main taq buland u uupar jeene ko utha rakha qatai hai daleel ai meer us teg ki be-aabi rahm un ne mire haq men mutlaq na rawa rakha