vo sirf qisse kahaaniyon ke mua'mle the charaaghh rakh de charaaghhh ghisne se koi jin-vin nahin nikalte charaaghh rakh de hamaari ma'soomiyat to dekho rakh aa.e dil ham huzoor-e-jaanan ki jaise koi KHuda ka banda hawa ke aage charaaghh rakh de kisi ke s aa.e ko qaid karne ka ik tareeqa bataa raha hooñ ik us ke aage charaaghh rakh de ik us ke peeche charaaghh rakh de tujhe bahut shauq tha mohabbat ki garm lapton se khelne ka le jal gaii na hatheli ab KHush kaha tha main ne charaaghh rakh de charaaghhh le ke bhi dhoondhne se charaaghh jaisa nahin milega so rakhni hai to charaaghh se rakh nahin to pyaare charaaghh rakh de charaaghhh raushan zaroor kar to par is se pahle KHuda ki khaatir yahaañ pe faila hai jo andhera samet zer-e-charaagh rakh de main dil ki baaton men aa gaya aur utha ke le aaya us ki paayal dimaagh deta raha sadaaein charaaghh rakh de charaaghh rakh de

chaarasaazon ke bas ki baat nahin main davaaon ke bas ki baat nahin chahta hoon main deemakon se najaat jo kitaabon ke bas ki baat nahin teri KHushboo ko qaid men rakhna itrdaanon ke bas ki baat nahin khatm kar de azaab kabron ka taajmahalon ke bas ki baat nahin aansuon men jo jhilmilahat hai vo sitaaron ke bas ki baat nahin aisa lagta hai ab teraa deedaar sirf aankhoñ ke bas ki baat nahin

samandar men utarta hooñ to aañkhen bheeg jaati hain tiri aankhoñ ko padhta hooñ to aañkhen bheeg jaati hain tumhaara naam likhne ki ijaazat chin gaii jab se koi bhi lafz likhta hooñ to aañkhen bheeg jaati hain tiri yaadon ki khushboo khidkiyon men raqs karti hai tire gham men sulagta hooñ to aañkhen bheeg jaati hain na jaane ho gaya hooñ is qadar hassaas main kab se kisi se baat karta hooñ to aañkhen bheeg jaati hain main saara din bahut masroof rehta hooñ magar jyuun hi qadam chaukhat pe rakhta hooñ to aañkhen bheeg jaati hain har ik muflis ke maathe par alam ki daastaanen hain koi chehra bhi padhta hooñ to aañkhen bheeg jaati hain bade logon ke unche bad-numa aur sard mahlon ko gareeb aankhoñ se takta hooñ to aañkhen bheeg jaati hain tire kooche se ab meraa ta'alluq waajibi sa hai magar jab bhi guzarta hooñ to aañkhen bheeg jaati hain hazaaron mausamon ki hukmraani hai mire dil par vasi main jab bhi hansta hooñ to aañkhen bheeg jaati hain

tum haqeeqat nahin ho hasrat ho jo mile KHvaab men vo daulat ho tum ho KHushboo ke KHvaab ki KHushboo aur itne hi bemuravvat ho kis tarah chhod doon tumhein jaanaan tum meri zindagi ki aadat ho kislie dekhte ho aaina tum to KHud se bhi khoobsurat ho dastaan khatm hone waali hai tum meri aakhiri muhabbat ho

sab intazaar men the kab koi zabaan khule phir uske hont khule aur sabke kaan khule ho chahein jitna haseen khwaab yaad rehta nahin jab aankh darjnon logon ke darmiyaan khule bahut sa lenge kirayaa jara si denge jagah yahaan ke logon ke dil tang hai makaan khule gaya woh shakhs to nazren uthaai logon ne hawa chali to jahaajon ke baajbaan khule ye kisne mez pe chhodi hai honthon ki tasveer ye kisne rakhe hain cheeni ke martabaan khule

saara samaan li.e ghar se nikal aayi hai phone par phone lagati hui tanhaaii hai yaad aane lage hain log mujhe guzre hue dost kya tune meri jhoothi qasam khaai hai apni duniya men magan rahna ise kahte hain ik plaster jhadi deewaar pe jo kaai hai baat jo dil pe lagii hai vo koi baat nahin sar ke u uupar se gaii baat men gehraai hai uske pahluu men bhala sochta hooñ kya kya main KHvaab men aa gaya hooñ neend nahin aayi hai

udaas ladkiyon se raabta nibhaata hooñ main ek phool hooñ jo titliyan bachaata hooñ jee main hi ishq men haare huoon ka murshid hooñ jee main hi har sadi men qais ban ke aata hooñ sataai hoti hain jo aapke samandar ki main aisi machliyon ke saath gote khaata hooñ kisi ke vaaste kaañte nahin bichaata main magar yuñ bhi nahin ke kaanton ko hataata hooñ main mausami hañsi ka maara hooñ ki koi din main saal bhar men koi din hi muskurata hooñ badan bhi aate hain aur hichakiyaañ bhi aati hain main jinko bhool gaya unko yaad aata hooñ nibhaane jaisa to kuchh bhi nahin hai us men magar vo mar na jaa.e kahii isliye nibhaata hooñ

jo ki hote hue aazaar bahut hota hai baad hone ke mazedaar bahut hota hai din badlne ke li.e khudkushi karne ke li.e ek hi shaKHs ka inkaar bahut hota hai bhaagne waale ko duniya bhi bahut chhoti hai ghoomne waale ko bazaar bahut hota hai jisne bheja hai tumhein ja ke use kehna tum laakh pyaaron men bhi saalar bahut hota hai jang har cheez ko hathiyaar banaa deti hai bacche ke haath men parkaar bahut hota hai chat se chat waalon men deewaar khadi karne ko unke bacchon men hua pyaar bahut hota hai

kisi ke saath hooñ par hooñ kisi ki aankhoñ men main dhool jhonkta hooñ zindagi ki aankhoñ men bichhad ke mujhse vo KHud ko talash karne lagii talash bhi kisi aur aadmi ki aankhoñ men khule gagan ke tale naachne ka man hai bas kisi ka KHvaab nahin morni ki aankhoñ men

kya dost muhabbat ka niyam kuchh nahin hota kha lete hain sab jhoothi kasam kuchh nahin hota vo parda nasheen poochhti rahtii hai mujhe roz kya waqai men agla janam kuchh nahin hota parvat ke muhaane pe khada soch raha hoon kisne kaha tha ek qadam kuchh nahin hota aur waaqya mashhoor tha jis ped ko lekarus ped pe likkha tha bharam kuchh nahin hota vo raushni ke din the rishabh sharma tere saath jab tu ha men samjhaata tha gham kuchh nahin hota