chal khwaahish ki baat karenge khaali dish ki baat karenge pahle pyaase to ban jaao phir baarish ki baat karenge aanaa toota rishta lekar gunjaish ki baat karenge bande ik do sajde karke basaaoge ki baat karenge tum auron ke she'r sunaao ham taabish ki baat karenge

kya ghalatfahmi men rah jaane ka sadma kuchh nahin vo mujhe samjha to saka tha ki aisa kuchh nahin ishq se bach kar bhi banda kuchh nahin hota magar ye bhi sach hai ishq men bande ka bachta kuchh nahin jaane kaise raaz seene men li.e baitha hai vo zahr kha leta hai par munh se ugalta kuchh nahin shukr hai ki usne mujhse kah diya ki kuchh to hai main usse kehne hi vaala tha ki achha kuchh nahin

mere li.e to ishq ka vaa'da hai shayari aadha suroor tum ho to aadha hai shayari rudraaksh haath men hai to seene men om hai krishna hai meraa dil meri radha hai shayari apna to mel jol hi bas aashikon se hai darvesh ka bas ek labaada hai shayari ho aashna koi to dikhaati hai apna rang be ramziyon ke vaaste saada hai shayari tum saamne ho aur meri dastaras men ho is waqt mere dil ka iraada hai shayari bhagwaan ho KHuda ho muhabbat ho ya badan jis samt bhi chalo yahii jaada hai shayari is li.e bhi ishq hi likhta hooñ main ali meraa kisi se aakhri vaa'da hai shayari

jeena mushkil hai ki aasaan zaraa dekh to lo log lagte hain pareshaan zaraa dekh to lo phir muqarrir koi sargarm sar-e-minbar hai kis ke hai qatl ka samaan zaraa dekh to lo ye naya shahar to hai khoob basaaya tum ne kyun puraana hua veeraan zaraa dekh to lo in charaaghon ke tale aise andhere kyun hai tum bhi rah jaaoge hairaan zaraa dekh to lo tum ye kahte ho ki main gair hooñ phir bhi shaayad nikal aa.e koi pahchaan zaraa dekh to lo ye sataish ki tamannaa ye sile ki parwaah kahaan l aa.e hain ye armaan zaraa dekh to lo

haan ye sach hai ki mohabbat nahin ki dost bas meri tabiyat nahin ki isliye gaanv main sailaab aaya hamne daryaao ki izzat nahin ki jism tak usne mujhe saunp diya dil ne is par bhi kanaayat nahin ki mere e'jaz men rakhi gaii thii maine jis bazm men shirkat nahin ki yaad bhi yaad se rakha us..ko bhool jaane men bhi gafalat nahin ki us..ko dekha tha ajab haalat men phir kabhi uski hifaazat nahin ki ham agar fatah hue hai to kya ishq ne kis pe hukoomat nahin ki

ki jaise koi musaafir watan men laut aa.e hui jo shaam to phir se thakan men laut aa.e na aabshaar na sehra laga sake qeemat ham apni pyaas ko le kar dehan men laut aa.e safar taveel bahut tha kisi ki aankhoñ tak to us ke baad ham apne badan men laut aa.e kabhi ga.e the hawaon ka saamna karne sabhi charaaghh usii anjuman men laut aa.e kisi tarah to fazaaon ki KHaamushi toote to phir se shor-e-salaasil chalan men laut aa.e ameer imaam batao ye maajra kya hai tumhaare she'r usii baankpan men laut aa.e

rudaad-e-jaan kahein jo zaraa dam mile hameinus dil ke raaste men kaii KHam mile ha men labbaik pahle ham ne kaha tha rasool-e-husn ho kaar-zaar-e-ishq to parcham mile ha men aa.e ik aisa za KHam jo bharna na ho kabhi ya'ni har ek za KHam ka marham mile ha men din men jahaan saraab mile the ha men vahaañ aayi jo raat qatra-e-shabnam mile ha men tum jaise aur log bhi honge jahaan men ye baat aur hai ki bahut kam mile ha men jab saath the to mil ke bhi milnaa na ho sakaa jab se bichhad ga.e ho to paiham mile ha men aur phir ha men bhi KHud pe bahut pyaar aa gayaus ki taraf khade hue jab ham mile ha men jo umr-bhar ka saath nibhaata na mil sakaa vaise to zindagi men bahut gham mile ha men

hai kaun kis ki zaat ke andar likhenge ham nahr-e-ravan ko pyaas ka manzar likhenge ham ye saara shahar aala-e-hikmat likhe use khanjar agar hai koi to khanjar likhenge ham ab tum sipaas-naama-e-shamsheer likh chuke ab daastaan-e-laasha-e-be-sar likhenge ham rakkhi hui hai dono ki buniyaad ret par sehara-e-be-karan ko samundar likhenge ham is shehar-e-be-charaagh ki aandhi na ho udaas tujh ko hawa-e-koocha-e-dil-bar likhenge ham kya husn un labon men jo pyaase nahin rahe sukhe hue labon ko gul-e-tar likhenge ham ham se gunaahgaar bhi us ne nibha li.e jannat se yuñ zameen ko behtar likhenge ham

ban ke saaya hi sahi saath to hoti hogii kam se kam tujh men tiri zaat to hoti hogii ye alag baat koi chaand ubharta na ho ab dil ki bastii men magar raat to hoti hogii dhoop men kaun kise yaad kiya karta hai par tire shahar men barsaat to hoti hogii ham to sehra men hain tum log sunaao apni shahar se roz mulaqaat to hoti hogii kuchh bhi ho jaa.e magar tere taraf-daar hain sab zindagi tujh men koi baat to hoti hogii

aag ke saath main bahta hua paani sunna raat-bhar apne anaasir ki sunaani sunna dekhna roz andheron men shua'on ki numoo pattharon men kisi dariyaa ki ravaani sunna vo sunaayengi kabhi mirii kahaanii tum ko tum hawaon se kabhi mirii kahaanii sunna mirii khaamoshi mirii maskh hai is maskh men tum maar kar teer mirii tishna-dahaani sunna umr na-kaafi hai is hijrat-e-awwal ke li.e phir janam luun to mirii hijrat-e-saani sunna kam-sini par hai ajab haal tumhaara yaaro sun lo aasaan nahin us ki jawaani sunna geet mere jo pasand aate hain itne tum ko inheen geeton ki kabhi marsiya-khwani sunna kya naya tum ko sunaau ki naya kuchh bhi nahin naye lafzon men vahii baat puraani sunna