ja rahi hai bahar phulon ki hai qaba taar taar phulon ki sinchiye pahle khun-e-dil se chaman dekhiye phir bahar phulon ki un ke honton pe muskurati hai muskurahat hazar phulon ki kis qadar talkh ye haqiqat hai ham-nashini-e-khar phulon ki jis ko kahte hain ham bahar-o-khizan vo to hai jiit haar phulon ki sach bata kyon khamosh hai bulbul ai saba raz-dar phulon ki hai khizan men bhi jaise avara nikhat-e-be-qarar phulun ki kya qafas men bhi gul khilaegi yaad yuun baar baar phulon ki 'tahira' aaj tere sheron men hai mahak be-shumar phulon ki ja rahi hai bahaar phulon ki hai qaba tar tar phulon ki sinchiye pahle khun-e-dil se chaman dekhiye phir bahaar phulon ki un ke honton pe muskuraati hai muskurahat hazar phulon ki kis qadar talkh ye haqiqat hai ham-nashini-e-khar phulon ki jis ko kahte hain hum bahaar-o-khizan wo to hai jit haar phulon ki sach bata kyon khamosh hai bulbul ai saba raaz-dar phulon ki hai khizan mein bhi jaise aawara nikhat-e-be-qarar phulun ki kya qafas mein bhi gul khilaegi yaad yun bar bar phulon ki 'tahira' aaj tere sheron mein hai mahak be-shumar phulon ki
Related Ghazal
sitam dhhaate hue socha karoge hamaare saath tum aisa karoge angoothi to mujhe lautaa rahe ho angoothi ke nishaan ka kya karoge main tumse ab jhagdta bhi nahin hooñ to kya is baat par jhagda karoge meraa daaman tumheen thaa men hue ho meraa daaman tumheen maila karoge batao vaa'da kar ke aaoge nake pichhli baar ke jaisa karoge vo dulhan ban ke ruksat ho gaii hai kahaan tak car ka peecha karoge mujhe bas yuñ hi tumse poochna tha agar main mar gaya to kya karoge
Zubair Ali Tabish
140 likes
kiya baadlon men safar zindagi bhar zameen par banaya na ghar zindagi bhar sabhi zindagi ke maze lootte hainna aaya ha men ye hunar zindagi bhar mohabbat rahi chaar din zindagi men raha chaar din ka asar zindagi bhar
Anwar Shaoor
95 likes
ham ne kab chaaha ki vo shaKHs hamaara ho jaa.e itnaa dik jaa.e ki aankhoñ ka guzaara ho jaa.e ham jise paas bitha len vo bichhad jaata hai tum jise haath laga do vo tumhaara ho jaa.e tum ko lagta hai ki tum jeet ga.e ho mujh se hai yahii baat to phir khel dubara ho jaa.e hai mohabbat bhi ajab tarz-e-tijaarat ki yahaañ har dukaan-daar ye chahe ki khasaara ho jaa.e
Yasir Khan
92 likes
maheenon baad daftar aa rahe hain ham ek sad men se baahar aa rahe hain teri baahon se dil ukta gaya hain ab is jhoole men chakkar aa rahe hain kahaan soya hai chaukidaar meraa ye kaise log andar aa rahe hain samandar kar chuka tasleem hamko khajaane KHud hi u uupar aa rahe hain yahii ek din bacha tha dekhne ko use bas men bitha kar aa rahe hain
Tehzeeb Hafi
116 likes
vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko
Naseer Turabi
244 likes
Similar Writers
Our suggestions based on Bano Tahira Sayeed.
Similar Moods
More moods that pair well with Bano Tahira Sayeed's ghazal.