chadar ki izzat karta hoon aur parde ko maanta hoon har parda parda nahin hota itnaa main bhi jaanta hoon saare mard ek jaise hain tumne kaise kah daala main bhi to ek mard hoon tumko KHud se behtar maanta hoon maine usse pyaar kiya hai milkiiyat ka daava nahin vo jiske bhi saath hai main us..ko bhi apna maanta hoon chadar ki izzat karta hoon aur parde ko maanta hoon har parda parda nahin hota itnaa main bhi jaanta hoon

pooch lete vo bas mizaaj mira kitna aasaan tha ilaaj mira chaara-gar ki nazar bataati hai haal achha nahin hai aaj mira main to rehta hooñ dasht men masroof qais karta hai kaam-kaaj mira koi kaasa madad ko bhej allah mere bas men nahin hai taaj mira main mohabbat ki baadshaahat hooñ mujh pe chaltaa nahin hai raaj mira

tere peeche hogii duniya paagal ban kya bola maine kuchh samjha paagal ban sehra men bhi Dhoondh le dariyaa paagal ban varna mar jaayega pyaasa paagal ban aadha daana aadha paagal nain nain nain us..ko paana hai to poora paagal ban danaai dikhlane se kuchh haasil nahin paagal khaana hai ye duniya paagal ban dekhen tujhko log to paagal ho jaayen itnaa umdaa itnaa aalaa paagal ban logon se dar lagta hai to ghar men baith jigra hai to mere jaisa paagal ban

sitam dhhaate hue socha karoge hamaare saath tum aisa karoge angoothi to mujhe lautaa rahe ho angoothi ke nishaan ka kya karoge main tumse ab jhagdta bhi nahin hooñ to kya is baat par jhagda karoge meraa daaman tumheen thaa men hue ho meraa daaman tumheen maila karoge batao vaa'da kar ke aaoge nake pichhli baar ke jaisa karoge vo dulhan ban ke ruksat ho gaii hai kahaan tak car ka peecha karoge mujhe bas yuñ hi tumse poochna tha agar main mar gaya to kya karoge

haath khaali hain tire shahar se jaate jaate jaan hoti to mirii jaan lutate jaate ab to har haath ka patthar ha men pahchaanta hai umr guzri hai tire shahar men aate jaate ab ke mayus hua yaaron ko ruksat kar ke ja rahe the to koi zakham lagaate jaate renagne ki bhi ijaazat nahin ham ko warna ham jidhar jaate naye phool khilaate jaate main to jalte hue seharaaon ka ik patthar tha tum to dariyaa the mirii pyaas bujhaate jaate mujh ko rone ka saleeqa bhi nahin hai shaayad log hanste hain mujhe dekh ke aate jaate ham se pahle bhi musaafir kaii guzre honge kam se kam raah ke patthar to hataate jaate

ab aur dam na ghute raushni ka kamre men dariche vaa hon ujaalon ki daud poori ho jo KHvaab aayen to dekhooñ tujhe main jee-bhar ke ki neend aa.e to KHvaabon ki daud poori ho koi badh aa.e zaraa aasmaan ki wusa'at main chahta hooñ parindon ki daud poori ho kisi azaab se ruk jaa.e raqs qaateel ka gharo ko lautte bacchon ki daud poori ho main tere hijr ke aalam men jee nahin saka so ab yahii ho ki saanson ki daud poori ho

aise khulte hain falak par ye sitaare shab ke jis tarah phool hon saare ye bahaar-e-shab ke teri tasveer banaa kar tiri zulfon ke li.e ham ne kaaghaz pe kaii rang utaare shab ke vo musavvir jo banata hai sehar ka chehraus se kehna ki abhii dard ubhaare shab ke kya kisi shaKHs ki hijrat men jali hain raatein kyun sharaaron se chamakte hain sitaare shab ke ye tire hijr ne tohfe men diye hain ham ko ye jo ma'soom se rishte hain hamaare shab ke ek muddat se ha men neend na aayi aashoo umr ik kaat dii ham ne bhi sahaare shab ke

zameen apni hai aur iint gaara uskaa hai makaan-e-ishq men hissa hamaara uskaa hai main ye jo saath li.e firta hooñ khazaana-e-ishq agar vo haath utha de to saara uskaa hai shuruu din se hi main jang ka mukhaalif tha magar main kya karoon abke ishaara uskaa hai vo dost jisse ki ab baat bhi nahin hoti agar main gir padhoon pehla sahaara uskaa hai

tamaam muddat mira ye shikwa raha kiran se ki us ne mujh par nazar na daali kabhi gagan se main zindagi ka diya jala kar ke jiun hi palta tabhi achaanak hawaaein chal deen qaza ke ban se puraani chaahat ke zakham ab tak bhare nahin hain aur ek ladki pa dii hai peeche bade jatan se vo maah-paara milan se pahle bahut KHafaa thii ab us ke bose chhuta raha hooñ main is badan se mujhe aseeri men lutf aane laga tha yaaro main dhun banata tha bediyo ki khanan khanan se

baithna saahil pe dariyaa ki ravaani dekhna aur khaali vaqt men fil men puraani dekhna dekhna chaaho udaasi men shajar doobe hue tum parindon ki kabhi naql-e-makaani dekhna intihaai sukh kinhin aankhoñ men mere KHvaab hon intihaai dukh unhin aankhoñ men paani dekhna roz so jaana falak ki vusa'ton ko odh kar roz KHvaabon men zameen ki be-karaani dekhna tay hua hai aayega vo milne aadhi raat ko neem shab men aap noor-e-kahkashaani dekhna