ye maine kab kaha ki mere haq men faisla kare agar vo mujh se KHush nahin hai to mujhe juda kare main uske saath jis tarah guzaarta hooñ zindagi use to chahiye ki meraa shukriya ada kare meri dua hai aur ik tarah se baddua bhi hai KHuda tumhein tumhaare jaisi betiyaan ata kare banaa chuka hooñ main mohabbaton ke dard ki davaa agar kisi ko chahiye to mujhse raabta kare

vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

KHaamosh lab hain jhuki hain palken dilon men ulfat nayi nayi hai abhii taqalluf hai guftagoo men abhii mohabbat nayi nayi hai abhii na aayengi neend tumko abhii na hamko sukoon milega abhii to dhadakega dil ziyaada abhii muhabbat nayi nayi hai bahaar ka aaj pehla din hai chalo chaman men tahal ke aayen fazaa men KHushboo nayi nayi hai gulon men rangat nayi nayi hai jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai zaraa sa qudrat ne kya nawaaza ke aake baithe ho pahli saf men abhii kyuuñ udne lage hawa men abhii to shohrat nayi nayi hai bamon ki barsaat ho rahi hai purane jaanbaaz so rahe hain ghulaam duniya ko kar raha hai vo jiski taqat nayi nayi hai

maine jo kuchh bhi socha hua hai main vo vaqt aane pe kar jaaunga tum mujhe zahar lagte ho aur main kisi din tumhein pee ke mar jaaunga tu to beenaai hai meri tere alaava mujhe kuchh bhi dikhta nahin maine tujhko agar tere ghar pe utaara to main kaise ghar jaaunga chahta hooñ tumhein aur bahut chahta hooñ tumhein KHud bhi maaloom hai haan agar mujhse poocha kisi ne to main seedha munh par mukar jaaunga tere dil se tere shahar se tere ghar se teri aankh se tere dar se teri galiyon se tere watan se nikala hua hooñ kidhar jaaunga

kabhi milenge to ye karz bhi utaarenge tumhaare chehre ko paharon talak nihaarenge ye kya sitam ki khilaadi badal diya usne ham is umeed pe baithe the ham hi haarenge hamaare baad tere ishq men naye ladke badan to choomenge zulfen nahin sanvaarenge

gham nahin hota hai azaadon ko besh az-yak-nafs barq se karte hain raushan sham-e-maatam-khaana ham mahfilein barham kare hai ganjinfaa-baaz-e-khyaal hain warq-gardaani-e-nairang-e-yak-but-khaana ham baavjood-e-yak-jahaan hangaama paidaai nahin hain charaaghaan-e-shabistaan-e-dil-e-parwaana ham zof se hai ne qanaat se ye tark-e-justujoo hain wabaal-e-takiya-gaah-e-himmat-e-mardaana ham daaim-ul-habs is men hain laakhon tamannaayein asad jaante hain seena-e-pur-khun ko zindaan-khaana ham bas-ki hain bad-mast-e-b-shikan b-shikan-e-may-khaana ham moo-e-sheesha ko samjhte hain khat-e-paimaana ham bas-ki har-yak-moo-e-zulf-afshaan se hai taar-e-shua panja-e-khurshid ko samjhe hain dast-e-shaana ham mashq-e-az-khud-raftagi se hain b-gulzaar-e-khyaal aashna taabeer-e-khwab-e-sabzaa-e-begaana ham fart-e-be-khwabi se hain shab-haa-e-hijr-e-yaar men jun zabaan-e-sham'a daag-e-garmi-e-afsaana ham shaam-e-gham men soz-e-ishq-e-aatish-e-rukhsaar se pur-fashaan-e-sokhtan hain soorat-e-parwaana ham hasrat-e-arz-e-tamannaa yaa se samjha chahiye do-jahaan hashr-e-zabaan-e-khushk hain jun shaana ham kashti-e-aalam b-toofaan-e-taghaaful de ki hain aalam-e-aab-e-gudaaz-e-jauhar-e-afsaana ham vehshat-e-be-rabti-e-pech-o-kham-e-hasti na pooch nang-e-baalidan hain jun moo-e-sar-e-deewaana ham

raun dii hui hai kaukaba-e-shahriyaar ki itr aa.e kyun na KHaak sar-e-rahguzaar ki jab us ke dekhne ke li.e aayen baadshaah logon men kyun numood na ho laala-zaar ki bhooke nahin hain sair-e-gulistaan ke ham wale kyunkar na khaaiye ki hawa hai bahaar ki

mehram nahin hai tu hi navaa-ha-e-raaz ka yaa warna jo hijaab hai parda hai saaz ka rang-e-shikasta subh-e-bahaar-e-nazaara hai ye vaqt hai shaguftan-e-gul-ha-e-naaz ka tu aur soo-e-ghair nazar-ha-e-tez tez main aur dukh tiri miza-ha-e-daraaz ka sarfa hai zabt-e-aah men meraa vagarna men tooma hooñ ek hi nafs-e-jaan-gudaaz ka hain bas-ki josh-e-baada se sheeshe uchhal rahe har gosha-e-bisaat hai sar sheesha-baaz ka kaavish ka dil kare hai taqaza ki hai hunooz nakhun pe qarz is girh-e-neem-baaz ka taaraaj-e-kaavish-e-gham-e-hijraan hua asad seena ki tha dafeena guhar-ha-e-raaz ka

juz qais aur koi na aaya b-roo-e-kaar sehra magar b-tangi-e-chashm-e-hasood tha aashuftagi ne naqsh-e-suweida kiya durust zaahir hua ki daagh ka sarmaaya dood tha tha KHvaab men khayal ko tujh se mua'amla jab aankh khul gaii na ziyaan tha na sood tha leta hooñ maktab-e-gham-e-dil men sabq hanooz lekin yahii ki raft gaya aur bood tha dhaanpa kafan ne daagh-e-uyuub-e-barhangee main warna har libaas men nang-e-wujood tha teshe baghair mar na sakaa kohkan asad sargashta-e-khumaar-e-rusoom-o-quyood tha aalam jahaan b-arz-e-bisaat-e-wujood tha jun subh chaak-e-jeb mujhe taar-o-pood tha baazi-khur-e-fareb hai ahl-e-nazar ka zauq hangaama garm-e-hairat-e-bood-o-nabood tha aalam tilism-e-shehr-e-khamoshi hai sar-basar ya main ghareeb-e-kishwar-e-guft-o-shunood tha tangi rafeeq-e-rah thii adam ya vujood tha meraa safar b-taala-e-chashm-e-hasood tha tu yak-jahaan qamaash-e-hawas jama kar ki main hairat-mataa-e-aalam-e-nuqsaan-o-sood tha gardish-muheet-e-zulm raha jis qadar falak main paayemaal-e-ghamzaa-e-chashm-e-kabood tha poocha tha garche yaar ne ahwaal-e-dil magar kis ko dimaagh-e-minnat-e-guft-o-shunood tha khur shabnam-aashnaa na hua warna main asad sar-ta-qadam guzaarish-e-zauq-e-sujuud tha

kahte ho na denge ham dil agar pada paaya dil kahaan ki gum kijeye ham ne muddaa paaya ishq se tabi'at ne zeest ka mazaa paaya dard ki davaa paai dard-e-be-dawa paaya dost-daar-e-dushman hai etimaad-e-dil ma'aloom aah be-asar dekhi naala na-rasa paaya saadgi o purkaari be-khu dii o ahl-e-mohabbat husn ko taghaaful men jurat-aazmaa paaya guncha phir laga khilne aaj ham ne apna dil khun kiya hua dekha gum kiya hua paaya haal-e-dil nahin ma'aloom lekin is qadar ya'ni ham ne baar-ha dhoonda tum ne baar-ha paaya shor-e-pand-e-naaseh ne zakham par namak chhidka aap se koi pooche tum ne kya mazaa paaya hai kahaan tamannaa ka doosra qadam ya rab ham ne dasht-e-imkaan ko ek naqsh-e-paa paaya be-dimaagh-e-khajlat hooñ rashk-e-imtihaan taa-kai ek bekasi tujh ko aalam-aashna paaya khaak-baazi-e-ummeed kaar-khaana-e-tifli yaas ko do-aalam se lab-b-khanda vaa paaya kyun na wahshat-e-ghaalib baaz-khwaah-e-taskin ho kushta-e-tagaaful ko khasm-e-khun-baha paaya fikr-e-naala men goya halka hooñ ze-sar-taa-paa uzv uzv jun zanjeer yak-dil-e-sadaa paaya shab nazaara-parwar tha KHvaab men khayal us ka subh mauja-e-gul ko naqsh-e-boriya paaya jis qadar jigar khun ho koocha daadan-e-gul hai zakhm-e-tegh-e-qaatil ko turfah dil-kusha paaya hai makeen ki paa-daari naam-e-saahib-e-khaana ham se tere kooche ne naqsh-e-muddaa paaya ne asad jafaa-saail ne sitam junoon-maail tujh ko jis qadar dhoonda ulfat-aazmaa paaya