khalk kahti hai jise dil tire deewane ka ek gosha hai ye duniya isee veeraane ka ik muamma hai samajhne ka na samjhaane ka zindagi kahe ko hai KHvaab hai deewane ka husn hai zaat mirii ishq sifat hai mirii hoonto main shama' magar bhes hai parwaane ka kaabe ko dil ki ziyaarat ke li.e jaata hooñ aastaana hai haram mire sanam-khaane ka mukhtasar qissa-e-gham ye hai ki dil rakhta hooñ raaz-e-kaunain khulasa hai is afsaane ka zindagi bhi to pashemaanhai yahaanla ke mujhe dhoondhti hai koi heela mire mar jaane ka tum ne dekha hai kabhi ghar ko badalte hue rang aao dekho na tamasha mire gham-khaane ka ab ise daar pe le ja ke sula de saaqi yoonbahakna nahin achha tire mastaane ka dil se pahunchee to hain aankhoñ men lahu ki boonden silsila sheeshe se milta to hai paimaane ka haddiyaanhain kaii lipti hui zanjeeron men li.e jaate hain janaaza tire deewane ka wahdat-e-husn ke jalvo ki ye kasrat ai ishqdil ke har zarre men aalam hai paree-khaane ka chashm-e-saaqi asar-e-may se nahin hai gul-rang dil mire KHoon se labreiz hai paimaane ka lauh dil ko gham-e-ulfat ko qalam kahte hain kun hai andaaz-e-raqam husn ke afsaane ka ham ne chaani hain bahut dair o haram ki galiyaan kahii paaya na thikaana tire deewane ka kis ki aañkhen dam-e-aakhir mujhe yaad aayi hain dil murqqaahai chhalakte hue paimaane ka kahte hain kya hi maze ka hai fasana faani aap ki jaan se door aap ke mar jaane ka har nafs umr-e-guzishta ki hai mayyat faani zindagi naam hai mar mar ke ji.e jaane ka
Related Ghazal
usii jagah par jahaan kaii raaste milenge palat ke aa.e to sabse pahle tujhe milenge agar kabhi tere naam par jang ho gaii to ham aise buzdil bhi pahli saf men khade milenge tujhe ye sadken mere tavassut se jaanti hain tujhe hamesha ye sab ishaare khule milenge
Tehzeeb Hafi
465 likes
chaand sitaare phool parinde shaam savera ek taraf saari duniya uskaa charba uskaa chehra ek taraf vo ladhkar bhi so jaa.e to uskaa maatha choomun main usse muhabbat ek taraf hai usse jhagda ek taraf jis shay par vo ungli rakh de us..ko vo dilwaani hai uski khushiyaan sab se awwal sasta mehnga ek taraf zaKHmon par marham lagwao lekin uske haathon se chaarasaazi ek taraf hai uskaa choona ek taraf saari duniya jo bhi bole sab kuchh shor sharaaba hai sab ka kehna ek taraf hai uskaa kehna ek taraf usne saari duniya maangi maine us..ko maanga hai uske sapne ek taraf hai meraa sapna ek taraf
Varun Anand
406 likes
ye gham kya dil ki aadat hai nahin to kisi se kuchh shikaayat hai nahin to hai vo ik khwaab-e-be taabeer isko bhula dene ki niyat hai nahin to kisi ke bin kisi ki yaad ke bin ji.e jaane ki himmat hai nahin to kisi soorat bhi dil lagta nahin haan to kuchh din se ye haalaat hai nahin to tujhe jisne kahi ka bhi nahin rakha vo ek jaati si vehshat hai nahin to tere is haal par hai sab ko hairat tujhe bhi is pe hairat hai nahin to ham-aahangi nahin duniya se teri tujhe is par nadaamat hai nahin to vo darveshi jo taj kar aa gaya...tu yah daulat us ki qeemat hai nahin to hua jo kuchh yahii maqsoom tha kya yahii saari hikaayat hai nahin to aziyat-naak ummeedon se tujhko aman paane ki hasrat hai nahin to tu rehta hai khayaal-o-khvaab men gam to is wajah se fursat hai nahin to wahaan waalon se hai itni mohabbat yahaan waalon se nafrat hai nahin to sabab jo is judaai ka banaa hai vo mujhse khubsoorat hai nahin to
Jaun Elia
355 likes
haath khaali hain tire shahar se jaate jaate jaan hoti to mirii jaan lutate jaate ab to har haath ka patthar ha men pahchaanta hai umr guzri hai tire shahar men aate jaate ab ke mayus hua yaaron ko ruksat kar ke ja rahe the to koi zakham lagaate jaate renagne ki bhi ijaazat nahin ham ko warna ham jidhar jaate naye phool khilaate jaate main to jalte hue seharaaon ka ik patthar tha tum to dariyaa the mirii pyaas bujhaate jaate mujh ko rone ka saleeqa bhi nahin hai shaayad log hanste hain mujhe dekh ke aate jaate ham se pahle bhi musaafir kaii guzre honge kam se kam raah ke patthar to hataate jaate
Rahat Indori
102 likes
itnaa majboor na kar baat banaane lag jaayen ham tere sar kii qasam jhooth hi khaane lag jaayen itne sannaate pi.e meri sama'at ne ki ab sirf aavaaz pe chaahoon to nishaane lag jaayen chaliye kuchh aur nahin aah-shumaarii hi sahi ham kisi kaam to is dil ke bahaane lag jaayen ham vo gum-gasht-e-mohabbat hain ki tum to kya ho khud ko ham dhoondhne niklen to zamaane lag jaayen khvaab kuchh aise dikhaaye hain faqiri ne mujhe jin kii ta'beer men shahon ke khazaane lag jaayen main agar apni jawaani ke suna doon qisse ye jo launde hain mire paanv dabane lag jaayen
Mehshar Afridi
173 likes
Similar Writers
Our suggestions based on Fani Badayuni.
Similar Moods
More moods that pair well with Fani Badayuni's ghazal.