dil ki gali men chaand nikalta rehta hai ek diya ummeed ka jalta rehta hai jaise jaise yaadon ki lau badhti hai vaise vaise jism pighlata rehta hai sargoshi ko kaan tarsate rahte hain sannaata awaaz men dhalta rehta hai manzar manzar jee lo jitna jee paao mausam pal pal rang badalta rehta hai raakh hui jaati hai saari hariyaali aankhoñ men jungle sa jalta rehta hai tum jo ga.e to bhool ga.e saari baatein vaise dil men kya kya chaltaa rehta hai

vo roo thii roo thii ye kah rahi thii qareeb aao mujhe manao ho mard to aage badh ke mujh ko gale lagao mujhe manao main kal se naaraz hooñ qasam se aur ek kone men ja padi hooñ haan main galat hooñ dikhaao phir bhi tumhi jhukao mujhe manao tumhaare nakhrin se apni an-ban to badhti jaayegi sun rahe ho tum ek sorry se khatm kar sakte ho tanaav mujhe manao tumhein pata bhi hai kis sakhi se tumhaara paala pada hua hai mua'af kar doongi tum ko fauran hi aao aao mujhe manao mujhe yuñ apne se door kar ke na KHush rahoge ghuroor kar ke so mujh se kuchh faasle pe rakho ye rakh-rakhaav mujhe manao mujhe batao ki mirii naarazgi se tum ko hai farq koi main kha rahi hooñ na-jaane kab se hi pech-taav mujhe manao mujhe pata hai mujhe manaane ko tum bhi bechain ho rahe ho to kya zaroori hai tum bhi itne bharam dikhaao mujhe manao miraa iraada to pahle hi se hai maan jaane ka sach bataaun tum apne bhar bhi tamaam harbon ko aazmao mujhe manao bahut bure ho mirii dikhaave ki neend ko bhi tum asl samjhe kahii se seekho piyaar karna mujhe jagao mujhe manao tum apne andaaz men ki jaise chadha ke rakhte ho aasteinen to main tumhaara radif waali ghazal sunaao mujhe manao khilaf-e-ma'amool mood achha hai aaj miraa main kah rahi hooñ ki phir kabhi mujh se karte rahna ye bhaav-taav mujhe manao main parle darje ka hat-dharam tha ki phir bhi us ko manaa na paaya so ab bhi kaanon men goonjtaa hai mujhe manao mujhe manao

mujh aise shaKHs se rishta nahin nikaal sakaa vo apne husn ka sadqa nahin nikaal sakaa main mil raha tha use baad ek muddat ke so usse koi bhi rishta nahin nikaal sakaa tere li.e to mujhe zindagi bhi kam thii magar mere li.e to tu lamha nahin nikaal sakaa tu dekh paai nahin mujh...ko khatm hote hue main teri aankh ka kachra nahin nikaal sakaa ik aisi baat ka ghussa hai mere lehje men vo baat jiska main ghussa nahin nikaal sakaa

saare manzar dilkash the har baat suhaani lagti thii jeevan ki har shaam ha men tab ek kahaanii lagti thii jis ka chaand sa chehra tha aur zulf sunhari baadal si mast hawa ka aanchal thaa men ek divaani lagti thii apne KHvaab naye lagte the aur phir un ke aage sab duniya aur zamaane ki har baat puraani lagti thii pyaar ke mausam ki KHushboo se guncha guncha mahka tha mahki mahki duniya saari raat ki raani lagti thii lamhon ke rangeen ghubaare haath se chhoote jaate the mausam dukh ka dard ki rut sab aani-jaani lagti thii qaus-e-quzah ki baarish men ye jazbon ki munh zor hawa mauj udaate bal khaate dariyaa ki ravaani lagti thii ab dekhen to door kahii par yaadon ki Phulvaari men rangon se bharpoor fazaa thii jo laafaani lagti thii

jitna teraa hukm tha utni sanwaari zindagi apni marzi se kahaan ham ne guzaari zindagi mere andar ik naya gham roz rakh jaata hai kaun rafta rafta ho rahi hai aur bhari zindagi rooh ki taskin ke saare dariche khul ga.e dard ke pahluu men jab aayi hamaari zindagi sirf thii khaana-badoshi ya mohabbat ka junoon hijraten karta raha ik shaKHs saari zindagi ek lafz-e-kun kaha aabaad sannaate hue aasmaanon se zameenon par utaari zindagi