usii jagah par jahaan kaii raaste milenge palat ke aa.e to sabse pahle tujhe milenge agar kabhi tere naam par jang ho gaii to ham aise buzdil bhi pahli saf men khade milenge tujhe ye sadken mere tavassut se jaanti hain tujhe hamesha ye sab ishaare khule milenge

yahii apni kahaanii thii miyaan pahle bahut pahle woh ladki jaañ hamaari thii miyaan pahle bahut pahle vaham mujh...ko ye bhaata hai,अभी meri divaani hai magar meri divaani thii miyaan pahle bahut pahle raqeeb aakar bataate hain yahaañ til hai vahaañ til hai ha men ye jaankaari thii miyaan pahle bahut pahle adab se maang kar maafi bharii mehfil ye kahtaa hooñ vo ladki khaandaani thii miyaan pahle bahut pahle

chaand sitaare phool parinde shaam savera ek taraf saari duniya uskaa charba uskaa chehra ek taraf vo ladhkar bhi so jaa.e to uskaa maatha choomun main usse muhabbat ek taraf hai usse jhagda ek taraf jis shay par vo ungli rakh de us..ko vo dilwaani hai uski khushiyaan sab se awwal sasta mehnga ek taraf zaKHmon par marham lagwao lekin uske haathon se chaarasaazi ek taraf hai uskaa choona ek taraf saari duniya jo bhi bole sab kuchh shor sharaaba hai sab ka kehna ek taraf hai uskaa kehna ek taraf usne saari duniya maangi maine us..ko maanga hai uske sapne ek taraf hai meraa sapna ek taraf

ye gham kya dil ki aadat hai nahin to kisi se kuchh shikaayat hai nahin to hai vo ik khwaab-e-be taabeer isko bhula dene ki niyat hai nahin to kisi ke bin kisi ki yaad ke bin ji.e jaane ki himmat hai nahin to kisi soorat bhi dil lagta nahin haan to kuchh din se ye haalaat hai nahin to tujhe jisne kahi ka bhi nahin rakha vo ek jaati si vehshat hai nahin to tere is haal par hai sab ko hairat tujhe bhi is pe hairat hai nahin to ham-aahangi nahin duniya se teri tujhe is par nadaamat hai nahin to vo darveshi jo taj kar aa gaya...tu yah daulat us ki qeemat hai nahin to hua jo kuchh yahii maqsoom tha kya yahii saari hikaayat hai nahin to aziyat-naak ummeedon se tujhko aman paane ki hasrat hai nahin to tu rehta hai khayaal-o-khvaab men gam to is wajah se fursat hai nahin to wahaan waalon se hai itni mohabbat yahaan waalon se nafrat hai nahin to sabab jo is judaai ka banaa hai vo mujhse khubsoorat hai nahin to

mere bas men nahin varna qudrat ka likha hua kaatta tere hisse men aa.e bure din koi doosra kaatta laariyon se zyaada bahaav tha tere har ik lafz men main ishaara nahin kaat saka teri baat kya kaatta maine bhi zindagi aur shab e hijr kaatee hai sabki tarah vaise behtar to ye tha ke main kam se kam kuchh naya kaatta tere hote hue mombatti bujhaai kisi aur ne kya khushi rah gayi thii janmdin ki main cake kya kaatta koi bhi to nahin jo mere bhookhe rahne pe naaraz ho jail men teri tasveer hoti to hanskar saza kaatta

ye bastii jaani-pahchaani bahut hai yahaañ va'don ki arzaani bahut hai shagufta lafz likkhe ja rahe hain magar lahjon men veeraani bahut hai subuk-zarfon ke qaabu men nahin lafz magar shauq-e-gul-afshaani bahut hai hai bazaaron men paani sar se ooncha mire ghar men bhi tugh yaanii bahut hai na jaane kab mire sehra men aa.e vo ik dariyaa ki toofaani bahut hai na jaane kab mire aangan men barase vo ik baadal ki nuqsaani bahut hai

kahaan ke naam o nasab ilm kya fazilat kya jahaan-e-rizq men tauqeer-e-ahl-e-haajat kya shikam ki aag li.e phir rahi hai shahr-b-shahr sag-e-zamaana hain ham kya hamaari hijrat kya dimashq-e-maslahat o kuufa-e-nifaq ke beech fughan-e-qaafila-e-be-nawa ki qeemat kya maal-e-izzat-e-saadaat-e-ishq dekh ke ham badal ga.e to badlne pe itni hairat kya qimaar-khaana-e-hasti men ek baazi par tamaam umr laga dii to phir shikaayat kya farogh-e-sanat-e-qad-aavari ka mausam hai subuk hue pe bhi niklaa hai qadd-o-qaamat kya

vafaa ki KHair manaata hooñ be-vafaaii men bhi main us ki qaid men hooñ qaid se rihaai men bhi lahu ki aag men jal-bujh ga.e badan to khula rasai men bhi khasaara hai na-rasaai men bhi badalte rahte hain mausam guzarta rehta hai vaqt magar ye dil ki wahin ka wahin judaai men bhi lihaaz-e-hurmat-e-paema'n na paas-e-hum-khwaabi ajab tarah ke tasaadum the aashnaai men bhi main das baras se kisi KHvaab ke azaab men hooñ wahin azaab dar aaya hai is dahaai men bhi tasaadum-e-dil-o-duniya men dil ki haar ke baa'd hijaab aane laga hai ghazal-saraai men bhi main ja raha hooñ ab us ki taraf usii ki taraf jo mere saath tha meri shikasta-paai men bhi

thakan to agle safar ke li.e bahaana tha use to yuñ bhi kisi aur samt jaana tha vahii charaaghh bujha jis ki lau qayamat thii usii pe zarb padi jo shajar puraana tha mataa-e-jaan ka badal ek pal ki sarshaari sulook KHvaab ka aankhoñ se tajiraana tha hawa ki kaat shagoofoon ne jazb kar li thii tabhi to lahja-e-khushboo bhi jaarehaana tha vahii firaq ki baatein vahii hikaayat-e-wasl nayi kitaab ka ek ik varq puraana tha qaba-e-zard nigaar-e-khizaan pe sajti thii tabhi to chaal ka andaaz khusrawaana tha

bikhar jaayenge ham kya jab tamasha khatm hogaa mere ma'bood aaKHir kab tamasha khatm hogaa charaag-e-hujra-e-darvesh ki bujhti hui lau hawa se kah gaii hai ab tamasha khatm hogaa kahaanii men naye kirdaar shaamil ho ga.e hain nahin ma'aloom ab kis dhab tamasha khatm hogaa kahaanii aap uljhi hai ki uljhaai gaii hai ye uqda tab khulega jab tamasha khatm hogaa zameen jab adl se bhar jaayegi noorun-ala-noor b-naam-e-maslak-o-mazhab tamasha khatm hogaa ye sab kath-putliyaan raksaan raheingi raat ki raat sehar se pahle pahle sab tamasha khatm hogaa tamasha karne waalon ko khabar dii ja chuki hai ki parda kab girega kab tamasha khatm hogaa dil-e-na-mutmain aisa bhi kya mayus rahna jo khalk utthi to sab kartab tamasha khatm hogaa