mira khazana zamane ke haath ja na lage tujhe kisi ki kisi ko tiri hava na lage main ek jism ko chakhna to chahta huun magar kuchh is tarah ki mire munh ko zaiqa na lage hamen laga so laga khud-aziyyati ka nasha du'a karo ki tumhen koi bad-du'a na lage du'a karo ki kisi ka na dil lage tum se lage to aur kisi se laga hua na lage hasad kiya ho tire rizq se kabhi main ne to mujh ko apni kamai hui ghhiza na lage hamen hi 'ishq ki tashhir chahiye varna pata na lagne diya jaae to pata na lage pada raha main kisi aur hi bakhede men bahut se qimti jazbe kisi disha na lage bana raha huun tasavvur men ek muddat se ik aisa shahr jise koi rasta na lage hamen hi 'ishq ki tashhir chahiye varna pata na lagne diya jaae to pata na lage kise khushi nahin hoti sarahe jaane ki magar vo dost hi kya hai jo aaina na lage mera khazana zamane ke hath ja na lage tujhe kisi ki kisi ko teri hawa na lage main ek jism ko chakhna to chahta hun magar kuchh is tarah ki mere munh ko zaiqa na lage hamein laga so laga khud-aziyyati ka nasha du'a karo ki tumhein koi bad-du'a na lage du'a karo ki kisi ka na dil lage tum se lage to aur kisi se laga hua na lage hasad kiya ho tere rizq se kabhi main ne to mujh ko apni kamai hui ghiza na lage hamein hi 'ishq ki tashhir chahiye warna pata na lagne diya jae to pata na lage pada raha main kisi aur hi bakhede mein bahut se qimti jazbe kisi disha na lage bana raha hun tasawwur mein ek muddat se ek aisa shahr jise koi rasta na lage hamein hi 'ishq ki tashhir chahiye warna pata na lagne diya jae to pata na lage kise khushi nahin hoti sarahe jaane ki magar wo dost hi kya hai jo aaina na lage
Related Ghazal
KHaamosh lab hain jhuki hain palken dilon men ulfat nayi nayi hai abhii taqalluf hai guftagoo men abhii mohabbat nayi nayi hai abhii na aayengi neend tumko abhii na hamko sukoon milega abhii to dhadakega dil ziyaada abhii muhabbat nayi nayi hai bahaar ka aaj pehla din hai chalo chaman men tahal ke aayen fazaa men KHushboo nayi nayi hai gulon men rangat nayi nayi hai jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai zaraa sa qudrat ne kya nawaaza ke aake baithe ho pahli saf men abhii kyuuñ udne lage hawa men abhii to shohrat nayi nayi hai bamon ki barsaat ho rahi hai purane jaanbaaz so rahe hain ghulaam duniya ko kar raha hai vo jiski taqat nayi nayi hai
Shabeena Adeeb
232 likes
vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko
Naseer Turabi
244 likes
ab ke ham bichhde to shaayad kabhi KHvaabon men milen jis tarah sukhe hue phool kitaabon men milen Dhoondh ujde hue logon men vafaa ke motiye khazaane tujhe mumkin hai kharaabon men milen gham-e-duniya bhi gham-e-yaar men shaamil kar lo nasha badhta hai sharaaben jo sharaabon men milen tu KHuda hai na mira ishq farishton jaisa dono insaan hain to kyun itne hijaabo men milen aaj ham daar pe kheeche ga.e jin baaton par kya ajab kal vo zamaane ko nisaabon men milen ab na vo main na vo tu hai na vo maazi hai faraaz jaise do shaKHs tamannaa ke saraabo men milen
Ahmad Faraz
130 likes
usii jagah par jahaan kaii raaste milenge palat ke aa.e to sabse pahle tujhe milenge agar kabhi tere naam par jang ho gaii to ham aise buzdil bhi pahli saf men khade milenge tujhe ye sadken mere tavassut se jaanti hain tujhe hamesha ye sab ishaare khule milenge
Tehzeeb Hafi
465 likes
tamasha-e-deir-o-haram dekhte hain tujhe har bahaane se ham dekhte hain hamaari taraf ab vo kam dekhte hain vo nazrein nahin jin ko ham dekhte hain zamaane ke kya kya sitam dekhte hain humeen jaante hain jo ham dekhte hain
Dagh Dehlvi
84 likes
Similar Writers
Our suggestions based on Jawad Sheikh.
Similar Moods
More moods that pair well with Jawad Sheikh's ghazal.