sitam dhhaate hue socha karoge hamaare saath tum aisa karoge angoothi to mujhe lautaa rahe ho angoothi ke nishaan ka kya karoge main tumse ab jhagdta bhi nahin hooñ to kya is baat par jhagda karoge meraa daaman tumheen thaa men hue ho meraa daaman tumheen maila karoge batao vaa'da kar ke aaoge nake pichhli baar ke jaisa karoge vo dulhan ban ke ruksat ho gaii hai kahaan tak car ka peecha karoge mujhe bas yuñ hi tumse poochna tha agar main mar gaya to kya karoge

kiya baadlon men safar zindagi bhar zameen par banaya na ghar zindagi bhar sabhi zindagi ke maze lootte hainna aaya ha men ye hunar zindagi bhar mohabbat rahi chaar din zindagi men raha chaar din ka asar zindagi bhar

pooch lete vo bas mizaaj mira kitna aasaan tha ilaaj mira chaara-gar ki nazar bataati hai haal achha nahin hai aaj mira main to rehta hooñ dasht men masroof qais karta hai kaam-kaaj mira koi kaasa madad ko bhej allah mere bas men nahin hai taaj mira main mohabbat ki baadshaahat hooñ mujh pe chaltaa nahin hai raaj mira

haath khaali hain tire shahar se jaate jaate jaan hoti to mirii jaan lutate jaate ab to har haath ka patthar ha men pahchaanta hai umr guzri hai tire shahar men aate jaate ab ke mayus hua yaaron ko ruksat kar ke ja rahe the to koi zakham lagaate jaate renagne ki bhi ijaazat nahin ham ko warna ham jidhar jaate naye phool khilaate jaate main to jalte hue seharaaon ka ik patthar tha tum to dariyaa the mirii pyaas bujhaate jaate mujh ko rone ka saleeqa bhi nahin hai shaayad log hanste hain mujhe dekh ke aate jaate ham se pahle bhi musaafir kaii guzre honge kam se kam raah ke patthar to hataate jaate

kisi libaas ki khushboo jab ud ke aati hai tere badan ki judaai bahut sataati hai tere gulaab tarsate hain teri khushboo ko teri safed chameli tujhe bulaati hai tere baghair mujhe chain kaise padta hain mere bagair tujhe neend kaise aati hai

mire baare men kuchh socho mujhe neend aa rahi hai mujhe zaaeaa na hone do mujhe neend aa rahi hai mire andar ke dukh chehre se zaahir ho rahe hain mirii tasveer mat kheencho mujhe neend aa rahi hai to kya saare gile-shikwe abhii kar loge mujh se kuchh ab kal ke li.e rakho mujhe neend aa rahi hai sehar hogii to dekhenge ki hain kya kya masaail zaraa si der sone do mujhe neend aa rahi hai tumhaara kaam hai saari hisein bedaar rakhna mire shaane pe sar rakho mujhe neend aa rahi hai bahut kuchh tum se kehna tha magar main kah na paaya lo mirii diary rakh lo mujhe neend aa rahi hai

mujhe malaal bhi us ki taraf se hota hai magar ye haal bhi us ki taraf se hota hai main tootaa bhi hooñ aur KHud hi jud bhi jaata hooñ ki ye kamaal bhi us ki taraf se hota hai pukaarta bhi vahii hai mujhe safar ke li.e safar muhaal bhi us ki taraf se hota hai javaab deta hai mere har ik sawaal ka vo magar sawaal bhi us ki taraf se hota hai vo mere haal se mujh ko hi be-KHabar kar de ye ehtimaal bhi us ki taraf se hota hai main us ke hijr men kyun toot kar nahin roya ye ik sawaal bhi us ki taraf se hota hai jab aagahi mujhe gumraah karti hai mohsin junoon bahaal bhi us ki taraf se hota hai