ab ke ham bichhde to shaayad kabhi KHvaabon men milen jis tarah sukhe hue phool kitaabon men milen Dhoondh ujde hue logon men vafaa ke motiye khazaane tujhe mumkin hai kharaabon men milen gham-e-duniya bhi gham-e-yaar men shaamil kar lo nasha badhta hai sharaaben jo sharaabon men milen tu KHuda hai na mira ishq farishton jaisa dono insaan hain to kyun itne hijaabo men milen aaj ham daar pe kheeche ga.e jin baaton par kya ajab kal vo zamaane ko nisaabon men milen ab na vo main na vo tu hai na vo maazi hai faraaz jaise do shaKHs tamannaa ke saraabo men milen

usoolon pe jahaan aanch aa.e takr aanaa zaroori hai jo zinda hon to phir zinda nazar aanaa zaroori hai nayi umron ki khudmukhtaariyon ko kaun samjh aa.e kahaan se bach ke chalna hai kahaan j aanaa zaroori hai thake haare parinde jab basere ke liye lautain saleeqamand shaakhon ka lachak j aanaa zaroori hai bahut bebaak aankhoñ men talluq tik nahin paata muhabbat men kashish rakhne ko sharm aanaa zaroori hai saleeqa hi nahin shaayad use mehsoos karne ka jo kahtaa hai KHuda hai to nazar aanaa zaroori hai mere honthon pe apni pyaas rakh do aur phir socho ki iske baad bhi duniya men kuchh p aanaa zaroori hai

mere dil men ye tere siva kaun hai tu nahin hai to teri jagah kaun hai ham mohabbat men haare hue log hain aur mohabbat men jeeta hua kaun hai mere pahluu se uth ke gaya kaun hai tu nahin hai to teri jagah kaun hai tune jaate hue ye bataaya nahin main teraa kaun hooñ tu meraa kaun hai

mere bas men nahin varna qudrat ka likha hua kaatta tere hisse men aa.e bure din koi doosra kaatta laariyon se zyaada bahaav tha tere har ik lafz men main ishaara nahin kaat saka teri baat kya kaatta maine bhi zindagi aur shab e hijr kaatee hai sabki tarah vaise behtar to ye tha ke main kam se kam kuchh naya kaatta tere hote hue mombatti bujhaai kisi aur ne kya khushi rah gayi thii janmdin ki main cake kya kaatta koi bhi to nahin jo mere bhookhe rahne pe naaraz ho jail men teri tasveer hoti to hanskar saza kaatta

sukoon se raat bitaate the mauj karte the jab us ke khvaab na aate the mauj karte the fuzool aa ga.e sehra se shahar men ham log vahaañ pe khaak udaate the mauj karte the ghire hue hain zamaane ke ab azaabon se ye log naachte gaate the mauj karte the kisi ke rang men dhalne se ho ga.e be-rang ham apne rang banaate the mauj karte the ameer-e-shahr ke pakwaan se hue beemaar namak se rotiyaan khaate the mauj karte the ham us kii bazm men taakheer se ga.e har baar jo log vaqt pe aate the mauj karte the

jamaal ab to yahii rah gaya pata us ka bhalii si shakl thii achha sa naam tha us ka phir ek saaya dar-o-baam par utar aaya dil-o-nigaah men phir zikr chhid gaya us ka kise khabar thii ki ye din bhi dekhna hogaa ab e'tibaar bhi dil ko nahin raha us ka jo mere zikr par ab qahqahe lagata hai bichhadte vaqt koi haal dekhta us ka mujhe tabaah kiya aur sab ki nazaron men vo be-qusoor raha ye kamaal tha us ka so kis se keejie zikr-nazaakat-e-khud-o-khaal koi mila hi nahin soorat-aashna us ka jo saaya saaya shab-o-roz mere saath raha gali gali men pata poochta fira us ka jamaal us ne to thaanii thii umr-bhar ke li.e ye chaar roz men kya haal ho gaya us ka

vo log mere bahut pyaar karne waale the guzar ga.e hain jo mausam guzarne waale the nayi rutoon men dukhon ke bhi silsile hain naye vo zakham taaza hue hain jo bharne waale the ye kis maqaam pe soojhi tujhe bichhadne ki ki ab to ja ke kahii din sanwarne waale the hazaar mujh se vo paimaan-e-wasl karta raha par us ke taur-tareeqe mukarne waale the tumhein to fakhr tha sheeraaza-bandi-e-jaan par hamaara kya hai ki ham to bikharna waale the tamaam raat nahaaya tha shahar baarish men vo rang utar hi ga.e jo utarne waale the us ek chhote se qasbe pe rail thehri nahin vahaañ bhi chand musaafir utarne waale the