abhii ik shor sa utha hai kahii koi KHaamosh ho gaya hai kahii hai kuchh aisa ki jaise ye sab kuchh is se pahle bhi ho chuka hai kahii tujh ko kya ho gaya ki cheezein ko kahii rakhta hai dhoondhta hai kahii jo yahaañ se kahii na jaata tha vo yahaañ se chala gaya hai kahii aaj shamshaan ki si boo hai yahaañ kya koi jism jal raha hai kahii ham kisi ke nahin jahaan ke siva aisi vo khaas baat kya hai kahii tu mujhe dhundh main tujhe dhundhun koi ham men se rah gaya hai kahii kitnii vehshat hai darmiyaan-e-hujoom jis ko dekho gaya hua hai kahii main to ab shahar men kahii bhi nahin kya mira naam bhi likha hai kahii

vaise main ne duniya men kya dekha hai tum kahte ho to phir achha dekha hai main us ko apni vehshat tohfe men doon haath uthaaye jis ne sehra dekha hai bin dekhe us ki tasveer banaa loonga aaj to main ne us ko itnaa dekha hai ek nazar men manzar kab khulte hain dost tu ne dekha bhi hai to kya dekha hai ishq men banda mar bhi saka hai main ne dil ki dastaavez men likha dekha hai main to aañkhen dekh ke hi batla dooñga tum men se kis kis ne dariyaa dekha hai aage seedhe haath pe ek taraai hai main ne pahle bhi ye rastaa dekha hai tum ko to is baagh ka naam pata hogaa tum ne to is shahar ka naqsha dekha hai

zabaan to khol nazar to mila javaab to de main kitnii baar luta hooñ mujhe hisaab to de tere badan ki likhaavat men hai utaar chadhaav main tujhe kaise padhoonga mujhe kitaab to de teraa sawaal hai saaqi ki zindagi kya hai javaab deta hooñ pahle mujhe sharaab to de

jhoothon ne jhoothon se kaha hai sach bolo sarkaari elaan hua hai sach bolo ghar ke andar to jhoothon ki ek mandi hai darwaaze par likha hua hai sach bolo guldaste par yakjahti likh rakha hai guldaste ke andar kya hai sach bolo ganga maiya doobne waale apne the naav men kisne chhed kiya hai sach bolo

pooch lete vo bas mizaaj mira kitna aasaan tha ilaaj mira chaara-gar ki nazar bataati hai haal achha nahin hai aaj mira main to rehta hooñ dasht men masroof qais karta hai kaam-kaaj mira koi kaasa madad ko bhej allah mere bas men nahin hai taaj mira main mohabbat ki baadshaahat hooñ mujh pe chaltaa nahin hai raaj mira

phone to door vahaañ khat bhi nahin pahunchege ab ke ye log tumhein aisi jagah bhejenge zindagi dekh chuke tujh ko bade parde par aaj ke ba'd koi film nahin dekhenge mas'ala ye hai main dushman ke qareen pahunchunga aur kabootar mirii talwaar pe aa baithege ham ko ik baar kinaaron se nikal jaane do phir to sailaab ke paani ki tarah faileinge tu vo dariyaa hai agar jal dii nahin ki tu ne KHud samundar tujhe milne ke li.e aayenge sega-e-raaz men rakkhenge nahin ishq tira ham tire naam se KHushboo ki dukaaan kholenge

hamaare saath koi mas'ala furaat ka hai wagarana ilm use apni mushkilaat ka hai mere hisaab se maazoori husn hai meraa agar ye aib hai to bhi KHuda ke haath ka hai ik aadhe kaam ke haq men to khair main bhi hoon tumhaare paas to daftar shifaarishaat ka hai hamaari baat ka jitna wasi'a pahluu hai zubaan pe laane men nuksaan kaaynaat ka hai ham uske hone na hone pe kitna lad rahe hain kisi ke vaaste yah khel nafsiyaat ka hai

isee nadaamat se us ke kandhe jhuke hue hain ki ham chha dii ka sahaara lekar khade hue hain yahaañ se jaane ki jal dii kis ko hai tum batao ki sootkeson men kapde kis ne rakhe hue hain kara to loonga ilaqa khaali main lad-jhagad kar magar jo us ne dilon pe qabze ki.e hue hain vo KHud parindon ka daana lene gaya hua hai aur us ke bete shikaar karne ga.e hue hain tumhaare dil men khulii dukano se lag raha hai ye ghar yahaañ par bahut purane bane hue hain main kaise baawar karau'n jaakar ye raushni ko ki in charaaghon pe mere paise lage hue hain tumhaari duniya men kitna mushkil hai bach ke chalna qadam qadam par to aastaane bane hue hain tum in ko chaaho to chhod sakte ho raaste men ye log vaise bhi zindagi se kate hue hain

na chalti hai na rukti hai faqeera tiri duniya bhi achchhii hai faqeera tumhein hatna padega raaste se ye shahon ki sawaari hai faqeera hamaare naatwan kandhon pe mat rakh tasavvuf bhari gathri hai faqeera tiri gad dii ko lekar itne jhagde abhii to pahli peedhi hai faqeera faqat ye soch kar KHaamosh hooñ main tumhaari rozi-roti hai faqeera ham uske aastaan tak kaise pahunchen ba dii lambi kahaanii hai faqeera hamaare maanne waalon men ho ja hamaara faiz jaarii hai faqeera

ham to aapse achchhii baatein karte hain aap hi ham se aisi baatein karte hain milne par chup lag jaati hai dono ko phone par achchhii khaasi baatein karte hain log to karte honge uske baare men par jo shahar ke darzee baatein karte hain bin dekhe eimaan nahin la saka main aur vo ghair-yaqeeni baatein karte hain peer fakeer to chup hi rahte hain mazkoor duniyadaar hi deeni baatein karte hain