vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

KHaamosh lab hain jhuki hain palken dilon men ulfat nayi nayi hai abhii taqalluf hai guftagoo men abhii mohabbat nayi nayi hai abhii na aayengi neend tumko abhii na hamko sukoon milega abhii to dhadakega dil ziyaada abhii muhabbat nayi nayi hai bahaar ka aaj pehla din hai chalo chaman men tahal ke aayen fazaa men KHushboo nayi nayi hai gulon men rangat nayi nayi hai jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai zaraa sa qudrat ne kya nawaaza ke aake baithe ho pahli saf men abhii kyuuñ udne lage hawa men abhii to shohrat nayi nayi hai bamon ki barsaat ho rahi hai purane jaanbaaz so rahe hain ghulaam duniya ko kar raha hai vo jiski taqat nayi nayi hai

kaise usne ye sab kuchh mujhse chhupkar badla chehra badla rastaa badla baad men ghar badla main uske baare men ye kahtaa tha logon se meraa naam badal dena vo shaKHs agar badla vo bhi KHush tha usne dil dekar dil maanga hai main bhi KHush hooñ maine patthar se patthar badla maine kaha kya meri khaatir KHud ko badloge aur phir usne nazren badlein aur number badla

ab ke ham bichhde to shaayad kabhi KHvaabon men milen jis tarah sukhe hue phool kitaabon men milen Dhoondh ujde hue logon men vafaa ke motiye khazaane tujhe mumkin hai kharaabon men milen gham-e-duniya bhi gham-e-yaar men shaamil kar lo nasha badhta hai sharaaben jo sharaabon men milen tu KHuda hai na mira ishq farishton jaisa dono insaan hain to kyun itne hijaabo men milen aaj ham daar pe kheeche ga.e jin baaton par kya ajab kal vo zamaane ko nisaabon men milen ab na vo main na vo tu hai na vo maazi hai faraaz jaise do shaKHs tamannaa ke saraabo men milen

usoolon pe jahaan aanch aa.e takr aanaa zaroori hai jo zinda hon to phir zinda nazar aanaa zaroori hai nayi umron ki khudmukhtaariyon ko kaun samjh aa.e kahaan se bach ke chalna hai kahaan j aanaa zaroori hai thake haare parinde jab basere ke liye lautain saleeqamand shaakhon ka lachak j aanaa zaroori hai bahut bebaak aankhoñ men talluq tik nahin paata muhabbat men kashish rakhne ko sharm aanaa zaroori hai saleeqa hi nahin shaayad use mehsoos karne ka jo kahtaa hai KHuda hai to nazar aanaa zaroori hai mere honthon pe apni pyaas rakh do aur phir socho ki iske baad bhi duniya men kuchh p aanaa zaroori hai

kahaanii likhte hue dastaan sunaate hue vo so gaya hai mujhe KHvaab se jagaate hue diye ki lau se chhalakta hai us ke husn ka aks singaar karte hue aaina sajaate hue ab is jagah se kaii raaste nikalte hain main gum hua tha jahaan raasta bataate hue pukaarte hain unhen sahilon ke sannaate jo log doob ga.e kashtiyaañ banaate hue phir us ne mujh se kisi baat ko chhupaaya nahin vo khul gaya tha kisi baat ko chhupaate hue mujhi men tha vo sitaara-sifat ki jis ke li.e main thak gaya hooñ zamaane ki KHaak udaate hue mazaaron aur munderon ke rat-jagon men saleem badan pighalne lage hain diye jalate hue

main khayal hooñ kisi aur ka mujhe sochta koi aur hai sar-e-aaina mira aks hai paas-e-aaina koi aur hai main kisi ke dast-e-talab men hooñ to kisi ke harf-e-dua men hooñ main naseeb hooñ kisi aur ka mujhe maangata koi aur hai ajab e'tibaar o be-e'tibaari ke darmiyaan hai zindagi main qareeb hooñ kisi aur ke mujhe jaanta koi aur hai mirii raushni tire khadd-o-khaal se mukhtalif to nahin magar tu qareeb aa tujhe dekh luun tu vahii hai ya koi aur hai tujhe dushmanon ki khabar na thii mujhe doston ka paata nahin tiri dastaan koi aur thii mira vaqiaa' koi aur hai vahii munsifon ki rivaayatein vahii faislon ki ibaaratien mira jurm to koi aur tha pa mirii saza koi aur hai kabhi laut aayen to paoochna nahin dekhna unhen ghaur se jinhen raaste men khabar hui ki ye raasta koi aur hai jo mirii riyaazat-e-neem-shab ko saleem subh na mil saki to pahir is ke ma'ni to ye hue ki yahaañ KHuda koi aur hai