pooch lete vo bas mizaaj mira kitna aasaan tha ilaaj mira chaara-gar ki nazar bataati hai haal achha nahin hai aaj mira main to rehta hooñ dasht men masroof qais karta hai kaam-kaaj mira koi kaasa madad ko bhej allah mere bas men nahin hai taaj mira main mohabbat ki baadshaahat hooñ mujh pe chaltaa nahin hai raaj mira

zabaan to khol nazar to mila javaab to de main kitnii baar luta hooñ mujhe hisaab to de tere badan ki likhaavat men hai utaar chadhaav main tujhe kaise padhoonga mujhe kitaab to de teraa sawaal hai saaqi ki zindagi kya hai javaab deta hooñ pahle mujhe sharaab to de

kuchh aise raaston se ishq ka safar jaa.e tumhaara hijr bahut door se guzar jaa.e udaasiyon se bharii kacchi umr ki ye nasl jo shayari na kare to dukhon se mar jaa.e pachaas logon se vo roz milti hai aur main kisi ko dekh luun to us ka munh utar jaa.e ghatta chatte to dikhe chaand bhi sitaare bhi jo tum hato to kisi aur par nazar jaa.e hazaar saal men taiyyaar hone vaala mardus ek god men sar rakhte hi bikhar jaa.e main us badan se sabhi pairhan utaarun aur andhera jism pe kapde ka kaam kar jaa.e meri havas ko koi doosra muyassar ho tumhaara husn kisi aur se sanwar jaa.e

na kisi ki aankh ka noor hooñ na kisi ke dil ka qaraar hooñ kisi kaam men jo na aa sake main vo ek musht-e-ghubaar hooñ na dawa-e-dard-e-jigar hooñ main na kisi ki meethi nazar hooñ mainna idhar hooñ main na udhar hooñ main na shakeb hooñ na qaraar hooñ mira vaqt mujh se bichhad gaya mira rang-roop bigad gaya jo khizaan se baagh ujad gaya main usii ki fasl-e-bahaar hooñ paye faatiha koi aa.e kyun koi chaar phool chad aa.e kyun koi aa ke shama' jalaae kyun main vo bekasi ka mazaar hooñ na main laag hooñ na lagaav hooñ na suhaag hooñ na subhaav hooñ jo bigad gaya vo banaav hooñ jo nahin raha vo singaar hooñ main nahin hooñ naghma-e-jaan-fazaa mujhe sun ke koi karega kya main bade birog ki hooñ sadaa main bade dukhi ki pukaar hooñ na main muztar un ka habeeb hooñ na main muztar un ka raqeeb hooñ jo bigad gaya vo naseeb hooñ jo ujad gaya vo dayaar hooñ

tujh men pada hua hooñ harkat nahin hai mujh men haalat na poochiyo tu haalat nahin hai mujh men ab to nazar men aa ja baanhon ke ghar men aa ja ai jaan teri koi soorat nahin hai mujh men ai rang rang men aa aaghosh-e-tang men aa baatein hi rang ki hain rangat nahin hai mujh men apne men hi kisi ki ho roo-b-rooi mujh ko hooñ KHud se roo-b-roo hooñ himmat nahin hai mujh men ab to simat ke aa ja aur rooh men samaa ja vaise kisi ki pyaare wusa'at nahin hai mujh men sheeshe ke is taraf se main sab ko tak raha hooñ marne ki bhi kisi ko furqat nahin hai mujh men tum mujh ko apne ram men le jaao saath apne apne se ai ghazaalo vehshat nahin hai mujh men