maine jo kuchh bhi socha hua hai main vo vaqt aane pe kar jaaunga tum mujhe zahar lagte ho aur main kisi din tumhein pee ke mar jaaunga tu to beenaai hai meri tere alaava mujhe kuchh bhi dikhta nahin maine tujhko agar tere ghar pe utaara to main kaise ghar jaaunga chahta hooñ tumhein aur bahut chahta hooñ tumhein KHud bhi maaloom hai haan agar mujhse poocha kisi ne to main seedha munh par mukar jaaunga tere dil se tere shahar se tere ghar se teri aankh se tere dar se teri galiyon se tere watan se nikala hua hooñ kidhar jaaunga

baithe hain chain se kahii j aanaa to hai nahin ham be-gharon ka koi thik aanaa to hai nahin tum bhi ho beete vaqt ke maanind hoo-b-hoo tum ne bhi yaad aanaa hai aanaa to hai nahin ahad-e-wafaa se kis li.e khaif ho meri jaan kar lo ki tum ne ahd nibh aanaa to hai nahin vo jo ha men aziz hai kaisa hai kaun hai kyun poochte ho ham ne bat aanaa to hai nahin duniya ham ahl-e-ishq pe kyun fenkti hai jaal ham ne tire fareb men aanaa to hai nahin vo ishq to karega magar dekh bhaal ke faris vo tere jaisa deewana to hai nahin

aaiine aankh men chubhte the bistar se badan katraata tha ek yaad basar karti thii mujhe main saans nahin le paata tha ek shakhs ke haath men tha sab kuchh meraa khilna bhi murjhaana bhi rota tha to raat ujad jaati hansata tha to din ban jaata tha main rab se raabte men rehta mumkin hai ki us se raabta ho mujhe haath uthaana padte the tab jaakar vo phone uthaata tha mujhe aaj bhi yaad hai bachpan men kabhi us par nazar agar padti mere baste se phool barsate the meri takhti pe dil ban jaata tha ham ek zindaan men jinda the ham ek janjeer men badhe hue ek doosre ko dekh kar ham kabhi hansate the to rona aata tha vo jism nazarandaaz nahin ho paata tha in aankhoñ se mujrim thehrata tha apna kehne ko to ghar thehrata tha

zane haseen thii aur phool chun kar laati thii main she'r kahtaa tha vo dastaan sunaati thii arab lahu tha ragon men badan sunhara tha vo muskuraati nahin thii dii.e jalaati thii ali se door raho log usse kahte the vo meraa sach hai bahut cheekh kar bataati thii ali ye log tumhein jaante nahin hain abhii gale lagaakar meraa hausla badhaati thii ye phool dekh rahe ho ye uskaa lahjaa tha ye jheel dekh rahe ho yahaañ vo aati thii main uske baad k abhii theek se nahin jaaga vo mujh...ko khwaab nahin neend se jagati thii use kisi se mohabbat thii aur vo main nahin tha ye baat mujhse zyaada use roolaati thii main kuchh bataa nahin saka vo meri kya thii ali ki us..ko dekhkar bas apni yaad aati thii

suna hai log use aankh bhar ke dekhte hain so us ke shahar men kuchh din thehar ke dekhte hain suna hai rabt hai us ko kharaab-haalon se so apne aap ko barbaad kar ke dekhte hain suna hai dard ki gaahak hai chashm-e-naaz us ki so ham bhi us ki gali se guzar ke dekhte hain suna hai us ko bhi hai she'r o shaayri se shagaf so ham bhi mo'jize apne hunar ke dekhte hain suna hai bole to baaton se phool jhadte hain ye baat hai to chalo baat kar ke dekhte hain suna hai raat use chaand takta rehta hai sitaare baam-e-falak se utar ke dekhte hain suna hai din ko use titliyan sataati hain suna hai raat ko jugnoo thehar ke dekhte hain suna hai hashr hain us ki ghazaal si aañkhen suna hai us ko hiran dasht bhar ke dekhte hain suna hai raat se badh kar hain kaakulen us ki suna hai shaam ko saa.e guzar ke dekhte hain suna hai us ki siyah-chashmagi qayamat hai so us ko surma-farosh aah bhar ke dekhte hain suna hai us ke labon se gulaab jalte hain so ham bahaar pe ilzaam dhar ke dekhte hain suna hai aaina timsaal hai jabeen us ki jo saada dil hain use ban-sanwar ke dekhte hain suna hai jab se hamaail hain us ki gardan men mizaaj aur hi laal o guhar ke dekhte hain suna hai chashm-e-tasavvur se dasht-e-imkaan men palang zaaviye us ki kamar ke dekhte hain suna hai us ke badan ki taraash aisi hai ki phool apni qabaayein katar ke dekhte hain vo sarv-qad hai magar be-gul-e-muraad nahin ki us shajar pe shagoofe samar ke dekhte hain bas ik nigaah se lutta hai qaafila dil ka so rah-ravaan-e-tamanna bhi dar ke dekhte hain suna hai us ke shabistaan se muttasil hai behisht makeen udhar ke bhi jalwe idhar ke dekhte hain ruke to gardishein us ka tawaaf karti hain chale to us ko zamaane thehar ke dekhte hain kise naseeb ki be-pairhan use dekhe kabhi kabhi dar o deewaar ghar ke dekhte hain kahaaniyaan hi sahi sab mubaalga hi sahi agar vo KHvaab hai taabeer kar ke dekhte hain ab us ke shahar men thehre ki kooch kar jaayen faraaz aao sitaare safar ke dekhte hain

shehar-e-naazuk se vo baarik sadak jaati hai main bas ik paanv tikataa hooñ tadak jaati hai aur paivast hua jaata hai patthar men charaaghh lag ke us haath se lau aur bhadak jaati hai main bura chor nahin hooñ magar us kooche men dil dhadak jaata hai paa-posh kharak jaati hai phool KHushboo se bigadte hain ha men bhi le chal aur jhonke se vo daaman ko jhadak jaati hai KHvaab ka rizq hui jaati hai bedaari ki umr neend kya cheez hai aankhoñ men radak jaati hai

vaqt ki taq pe dono ki sajaai hui raat kis pe kharchi hai bataa meri kamaai hui raat aur phir yuñ hua aankhoñ ne lahu barsaaya yaad aayi koi baarish men bitaai hui raat hijr ke ban men hiran apna bhi meraa hi gaya usrat-e-ram se bahr-haal rihaai hui raat tu to ik lafz-e-mohabbat ko li.e baitha hai to kahaan jaati mire jism pe aayi hui raat dil ko chain aaya to uthne laga taaron ka ghubaar subh le nikli mire haath men aayi hui raat aur phir neend hi aayi na koi KHvaab aaya main ne chaahi thii mire KHvaab men aayi hui raat

farz-e-supurdagi men taqaze nahin hue tere kahaan se hon ki ham apne nahin hue kuchh qarz apni zaat ke ho bhi ga.e vasool jaise tire supurd the vaise nahin hue achha hua ki ham ko marz la-dava mila achha nahin hua ki ham achchhe nahin hue us ke badan ka mood badaa khush-gawaar hai ham bhi safar men umr se thehre nahin hue ik roz khel khel men ham us ke ho ga.e aur phir tamaam umr kisi ke nahin hue ham aa ke teri bazm men be-shak hue zaleel jitne gunaahgaar the utne nahin hue is baar jang us se ra'unat ki thii so ham apni ana ke ho ga.e us ke nahin hue

jald aayen jinhen seene se lagana hai mujhe phir badan aur kahii kaam men laana hai mujhe ishq paanv se liptata hai to ruk jaata hooñ warna tum ho to tumhein chhod ke jaana hai mujhe mere haathon ko KHuda rakhe tire jism ki khairmas'ala ye hai tujhe haath lagana hai mujhe dil ko dhadka sa laga rehta hai vo jaan na le aur phir jabr to ye hai ki bataana hai mujhe maang leta hooñ tire gham se zaraa sardaari ek duniya hai jise dil se uthaana hai mujhe