ye maine kab kaha ki mere haq men faisla kare agar vo mujh se KHush nahin hai to mujhe juda kare main uske saath jis tarah guzaarta hooñ zindagi use to chahiye ki meraa shukriya ada kare meri dua hai aur ik tarah se baddua bhi hai KHuda tumhein tumhaare jaisi betiyaan ata kare banaa chuka hooñ main mohabbaton ke dard ki davaa agar kisi ko chahiye to mujhse raabta kare

vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

KHaamosh lab hain jhuki hain palken dilon men ulfat nayi nayi hai abhii taqalluf hai guftagoo men abhii mohabbat nayi nayi hai abhii na aayengi neend tumko abhii na hamko sukoon milega abhii to dhadakega dil ziyaada abhii muhabbat nayi nayi hai bahaar ka aaj pehla din hai chalo chaman men tahal ke aayen fazaa men KHushboo nayi nayi hai gulon men rangat nayi nayi hai jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai zaraa sa qudrat ne kya nawaaza ke aake baithe ho pahli saf men abhii kyuuñ udne lage hawa men abhii to shohrat nayi nayi hai bamon ki barsaat ho rahi hai purane jaanbaaz so rahe hain ghulaam duniya ko kar raha hai vo jiski taqat nayi nayi hai

ab ke ham bichhde to shaayad kabhi KHvaabon men milen jis tarah sukhe hue phool kitaabon men milen Dhoondh ujde hue logon men vafaa ke motiye khazaane tujhe mumkin hai kharaabon men milen gham-e-duniya bhi gham-e-yaar men shaamil kar lo nasha badhta hai sharaaben jo sharaabon men milen tu KHuda hai na mira ishq farishton jaisa dono insaan hain to kyun itne hijaabo men milen aaj ham daar pe kheeche ga.e jin baaton par kya ajab kal vo zamaane ko nisaabon men milen ab na vo main na vo tu hai na vo maazi hai faraaz jaise do shaKHs tamannaa ke saraabo men milen

usoolon pe jahaan aanch aa.e takr aanaa zaroori hai jo zinda hon to phir zinda nazar aanaa zaroori hai nayi umron ki khudmukhtaariyon ko kaun samjh aa.e kahaan se bach ke chalna hai kahaan j aanaa zaroori hai thake haare parinde jab basere ke liye lautain saleeqamand shaakhon ka lachak j aanaa zaroori hai bahut bebaak aankhoñ men talluq tik nahin paata muhabbat men kashish rakhne ko sharm aanaa zaroori hai saleeqa hi nahin shaayad use mehsoos karne ka jo kahtaa hai KHuda hai to nazar aanaa zaroori hai mere honthon pe apni pyaas rakh do aur phir socho ki iske baad bhi duniya men kuchh p aanaa zaroori hai

ab ye aalam hai ki gham ki bhi khabar hoti nahin ashk bah jaate hain lekin aankh tar hoti nahin phir koi kam-bakht kashtii nazar-e-toofaan ho gaii warna saahil par udaasi is qadar hoti nahin teraa andaaz-e-taghaful hai junoon men aaj kal chaak kar leta hooñ daaman aur khabar hoti nahin haaye kis aalam men chhodaa hai tumhaare gham ne saath jab qaza bhi zindagi ki chaara-gar hoti nahin rang-e-mahfil chahta hai ik mukammal inqilaab chand shamon ke bharkane se sehar hoti nahin iztiraab-e-dil se qaabil vo nigah-e-be-niyaaz be-KHabar maaloom hoti hai magar hoti nahin

hairaton ke silsile soz-e-nihaan tak aa ga.e ham nazar tak chahte the tum to jaañ tak aa ga.e na-muraa dii apni qismat gumrahi apna naseeb kaarwaan ki KHair ho ham kaarwaan tak aa ga.e un ki palkon par sitaare apne honton pe hañsi qissa-e-gham kahte kahte ham kahaan tak aa ga.e zulf men KHushboo na thii ya rang aariz men na tha aap kis ki aarzoo men gulsitaan tak aa ga.e rafta rafta rang laaya jazba-e-khaamoshi-e-ishq vo taghaaful karte karte imtihaan tak aa ga.e KHud tumhein chaak-e-garebaan ka shu'ur aa jaayega tum vahaañ tak aa to jaao ham jahaan tak aa ga.e aaj qaabil may-kade men inqilaab aane ko hai ahl-e-dil andesha-e-sood-o-ziyaan tak aa ga.e

tum na maano magar haqeeqat hai ishq insaan ki zaroorat hai jee raha hooñ is e'timaad ke saath zindagi ko mirii zaroorat hai husn hi husn jalwe hi jalwe sirf ehsaas ki zaroorat hai us ke vaade pe naaz the kya kya ab dar-o-baam se nadaamat hai us ki mehfil men baith kar dekho zindagi kitnii KHoob-soorat hai raasta kat hi jaayega qaabil shauq-e-manzil agar salaamat hai