kisi gali men kiraye pe ghar liya usne phir us gali men gharo ke kiraye badhne lage

sabhi ka KHoon hai shaamil yahaañ ki miTTi men kisi ke baap ka hindustan thodii hai

muddatein guzar gayi hisaab nahin kiyana jaane ab kiske kitne rah ga.e ham

dua karo ki salaamat rahe mirii himmat ye ik charaaghh kaii aandhiyon pe bhari hai

meri duniya ujad gaii is men tum ise haadsa samjhte ho aakhiri raasta to baaki hai aakhiri raasta samjhte ho

gali ke mod pe bachchon ke ek jamghat men kisi ne dard-bhare lay men maahiya gaaya mujhe kisi se mohabbat nahin magar ai dil ye kya hua ki tu be-ikhtiyaar bhar aaya

jo dil dukha hai to ye azm bhi mila hai ha men tamaam umr kisi ka na dil dukhaaenge ham

tujh se kis tarah main izhaar-e-tamannaa karta lafz soojha to maani ne baghaavat kar dii

us vaqt ka hisaab kya doon jo tere baghair kat gaya hai

main to us waqt se dartaa hooñ ki vo pooch na le ye agar zabt ka aañsu hai to tapka kaise