dil ko teri chaahat pe bharosa bhi bahut hai aur tujh se bichhad jaane ka dar bhi nahin jaata

zindagi bhar ke li.e dil pe nishaani pad jaa.e baat aisi na likho likh ke mitaani pad jaa.e

main chahta tha mujhse bichhad kar vo KHush rahe lekin vo KHush hua to badaa dukh hua mujhe

zindagi kis tarah basar hogii dil nahin lag raha mohabbat men

mujhe pahle pehal lagta tha zaati mas'ala hai main phir samjha mohabbat qaaynaati mas'ala hai parinde qaid hain tum chahchahaahat chahte ho tumhein to achha khaasa nafsyaati mas'ala hai

chaand jugnoo se lad raha hai kyuuñ chaand men KHud ki raushni hai kya

Khauf khaata hai kyon zamaane ka

aapke simt se jaane kii tamannaa to nahin fikr mat kariye chale jaayenge rafta rafta

vo jis hamdard ko aañsu mire ashaar lagte the usii bedard ko meri hañsi achchhii nahin lagti

zindagi hamqadam rahi lekin vaqt se hamqadam nahin hoti