koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

raqeeb aakar bataate hain yahaañ til hai vahaañ til hai ha men ye jaankaari thii miyaan pahle bahut pahle

uski tasveerein hain dilkash to hongi jaisi deewarein hain waisa saaya hai ek main hooñ jo tere qatl kii koshish men tha ek tu hai jo jail men khaana laaya hai

jaanta hooñ ki tujhe saath to rakhte hain kaii poochna tha ki teraa dhyaan bhi rakhta hai koi

baaki saare kaam bhulaakar ishq kiya subah se lekar shaam barabar ishq kiya ghalti ye thode thii ishq kiya ham ne ghalti ye thii gair biraadar ishq kiya

ishq qais farhaad romiyo jaise hi kar sakte hain ham to thehre das se chh tak office jaane waale log

itne kahaan naseeb ki isse pyaas bujhaayein khel karen dariyaa ham jaison ko apne paas bitha le kaafi hai

itne gehre utar gaya hooñ darya-e-dard-e-dil men haath pakad kar kheench le varna doob ke bhi mar saka hooñ katte khanjar rassi maachis kuchh din mujhse door rakho kuchh karne se chook gaya hooñ main kuchh bhi kar saka hooñ

b-juz KHuda ke kisi ka ham pe karam nahin hai ye kam nahin hai kisi ka sajda jabeen pe apni raqam nahin hai ye kam nahin hai hamaari chuppi ye hai ghaneemat wagarana ye jo kiya hai tum ne yaqeen maano hamaara maatha garam nahin hai ye kam nahin hai