gale milnaa na milnaa to teri marzi hai lekin tere chehre se lagta hai teraa dil kar raha hai

ham vo hain jo KHuda ko bhool ga.e tum meri jaan kis gumaan men ho

manzilen kya hain raasta kya hai hausla ho to fasla kya hai

us..ko fursat nahin milti ki palat kar dekhe ham hi deewane hain deewane bane rahte hain

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

vo khaar khaar hai shaakh-e-gulaab kii maanind main zakhm zakhm hooñ phir bhi gale lagaaun use

ham dohri aziyyat ke giriftaar. musafir paanv bhi hain shal shauq-e-safar bhi nahin jaata

gham-e-duniya bhi gham-e-yaar men shaamil kar lo nashsha badhta hai sharaaben jo sharaabon men milen

usne nazar nazar men hi aise bhale sukhun kahe maine to uske paanv men saara kalaam rakh diya

aankh se door na ho dil se utar jaayega vaqt ka kya hai guzarta hai guzar jaayega