mirii ghazal ki tarah us ki bhi hukoomat hai tamaam mulk men vo sab se khoobsurat hai bahut dinon se mire saath thii magar kal shaam mujhe pata chala vo kitnii khoobsurat hai

ab ha men dekh ke lagta to nahin hai lekin ham kabhi uske pasandeeda hua karte the

ghar ki is baar mukammal main talaashi loonga gham chhupa kar mire maa baap kahaan rakhte the

bhoolbhulaiya tha un zulfon men lekin hamko us men apni raahen dikhti theen aapki aankhoñ ko dekha to ilm hua kyun arjun ko keval aañkhen dikhti theen

mehrbaan ham pe har ik raat hua karti thii aankh lagte hi mulaqaat hua karti thii hijr ki raat hai aur aankh men aansoo bhi nahin aise mausam men to barsaat hua karti thii