teri KHataa nahin jo tu ghusse men aa gaya paise ka zom tha tere lahje men aa gaya sikka uchaalkar ke tere paas kya bacha teraa guroor to mere kaanse men aa gaya

mirii ghazal ki tarah us ki bhi hukoomat hai tamaam mulk men vo sab se khoobsurat hai bahut dinon se mire saath thii magar kal shaam mujhe pata chala vo kitnii khoobsurat hai

teri KHushiyon ka sabab yaar koi aur hai nadosti mujhse hai aur pyaar koi aur hai na

main qissa mukhtasar kar ke zaraa neechi nazar kar ke ye kahtaa hooñ abhii tum se mohabbat ho gaii tum se

uljh karke teri agar men yuñ aabaad ho jaaun ki jaise lucknow ka main ameenabad ho jaaun main yamuna ki tarah tanhaa nihaaru taaj ko kab tak koi ganga mile to main ilahaabad ho jaaun

na pooch haal mira chob-e-khushk-e-sehra hooñ laga ke aag mujhe kaarwaan ravana hua

be-ginati bose lenge rukh-e-dil-pasand ke aashiq tire parhe nahin ilm-e-hisaab ko

uth gaii hain saamne se kaisi kaisi sooraten roiyie kis ke li.e kis kis ka maatam keejie

kuchh nazar aata nahin us ke tasavvur ke siva hasrat-e-deedaar ne aankhoñ ko andha kar diya