nahin lagega use dekh kar magar KHush hai main KHush nahin hooñ magar dekh kar lagega nahin

tu kisi aur hi duniya men mili thii mujhse tu kisi aur hi mausam ki mahak laai thii dar raha tha ki kahii zakham na bhar jaayen mere aur tu mutthiyaan bhar-bhar ke namak laai thii

ab main saare jahaan men hooñ badnaam ab bhi tum mujh...ko jaanti ho kya

ab in jale hue jismoon pe KHud hi saaya karo tumhein kaha tha bataa kar qareeb aaya karo main uske baad mahinon udaas rehta hooñ mazaak men bhi mujhe haath mat lagaaya karo

isi li.e to main roya nahin bichhadte samay tujhe ravana kiya hai juda nahin kiya hai

kabhi dard kii tamannaa kabhi koshish-e-mudaawa kabhi bijliyon kii KHvaahish kabhi fikr-e-aashiyana

yahii zindagi museebat yahii zindagi masarrat yahii zindagi haqeeqat yahii zindagi fasana kabhi main hooñ tujhse naalaan kabhi mujhse tu pareshaan kabhi main tira hadf hooñ kabhi tu mira nishaana

humeen hain soz humeen saaz hain humeen naghma zaraa sambhal ke sar-e-bazm chhedna ham ko