ye dukkh alag hai ki usse main door ho raha hooñ ye gham juda hai vo KHud mujhe door kar raha hai tere bichhurne par likh raha hooñ main taza ghazlen ye teraa gham hai jo mujh...ko mashhoor kar raha hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

nahin lagega use dekh kar magar KHush hai main KHush nahin hooñ magar dekh kar lagega nahin

le de ke apne paas faqat ik nazar to hai kyun dekhen zindagi ko kisi ki nazar se ham

jaanta hooñ ki tujhe saath to rakhte hain kaii poochna tha ki teraa dhyaan bhi rakhta hai koi

ye duniya jo apnon ko bhi yaad nahin ab karti hai mujh...ko yaad rakhegi is ummeed pe hi dam toda hoon

tumhein in baahon men bharkar khushi se jhoom loonga main agar tumne jo kuchh poocha qasam se choom loonga main

udaanen unchi bharte hain vo jinke par nahin hote jo akshar ghar banaate hain unhin ke ghar nahin hote

dil se uski tasveer hataaun bhi kaise khaali kamre ki vehshat se main waqif hooñ

KHud aañsu banne tak ye dil rota hai apnon ke mar jaane pe yoon hota hai