mehrbaan ham pe har ik raat hua karti thii aankh lagte hi mulaqaat hua karti thii hijr ki raat hai aur aankh men aansoo bhi nahin aise mausam men to barsaat hua karti thii

muddatein guzar gayi hisaab nahin kiyana jaane ab kiske kitne rah ga.e ham

maine jo kuchh bhi socha hua hai main vo vaqt aane pe kar jaaunga tum mujhe zahar lagte ho aur main kisi din tumhein pee ke mar jaaunga

mas'ala ye nahin ki ishq hua hai ham ko mas'ala ye hai ki izhaar kiya jaana hai

meri dua hai aur ik tarah se baddua bhi hai KHuda tumhein tumhaare jaisi betiyaan ata kare

koii hijrat koii visaal nahin KHvaab men bhi teraa khayal nahin sii li.e hont rab kii marzi pe mere lab par koii sawaal nahin

dil sochta hai bas ye faraaghat ke waqt men milne ke tujhse KHvaab jo dekhe the kya hue jo ik ada pe jaan luta dete the kabhi vo saare daavedaar mohabbat ke kya hue

koii barasti aankhoñ men tumko na padh le dost barson is ehtiyaat se roye nahin hain ham

ham ki jee se utar ga.e sabke vo ki dil men samaaye jaate hain

mujh...ko ab chain se jeene kii tamannaa hi nahin bas ye khwaahish hai ki ab chain se mar jaaun main