bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

shaakhon se toot jaayen vo patte nahin hain ham aandhi se koi kah de ki auqaat men rahe

main agar apni jawaani ke suna doon qisse ye jo launde hain mere paanv dabane lag jaa.e

main chahta hooñ mohabbat meraa vo haal kare ki KHvaab men bhi dobara kabhi majaal na ho

faasle aise bhi honge ye kabhi socha na tha saamne baitha tha mere aur vo meraa na tha

jo mita hai tere jamaal par vo har ek gham se guzar gaya hui jis pe teri nawaazishein vo bahaar ban ke sanwar gaya

kis ko sunaau haal-e-gham koii gham-aashna nahin aisa mila hai dard-e-dil jis kii koii davaa nahin apna banaa ke ai sanam tumne jo aankh fer li aisa bujha charaagh-e-dil phir ye kabhi jala nahin

mere rashk-e-qamar tu ne pahli nazar jab nazar se milaai mazaa aa gaya barq si gir gaii kaam hi kar gaii aag aisi lagaaee mazaa aa gaya