jaane kya kuchh kar baitha hai bahut dinon se ghar baitha hai vo madhumaas likhe bhi kaise shaakhon par patjhar baitha hai

ghutan si hone lagii us ke paas jaate hue main KHud se rooth gaya hooñ use manaate hue

ham aah bhi karte hain to ho jaate hain badnaam vo qatl bhi karte hain to charcha nahin hota

isee se jaan gaya main ki bakht dhalne lage main thak ke chaanv men baitha to ped chalne lage main de raha tha sahaare to ik hujoom men tha jo gir pada to sabhi raasta badlne lage

maut ne saari raat hamaari nabz tatoli aisa marne ka maahol banaya hamne ghar se nikle chauk ga.e phir park men baithe tanhaaii ko jagah-jagah bikhrāya hamne

kuchh is ke sanwar jaane ki tadbeer nahin hai duniya hai tiri zulf-e-girah-geer nahin hai

us se badh kar kiya milega aur inaam-e-junoon ab to vo bhi kah rahe hain apna deewaana mujhe

us dushman-e-wafa ko dua de raha hooñ main meraa na ho sakaa vo kisi ka to ho gaya

mile furqat to sun lena kisi din mira qissa nihaayat mukhtasar hai

ye kis maqaam pe laai hai zindagi ham ko hañsi labon pe hai seene men gham ka daftar hai