koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

nigaahen fer li ghabra ke maine vo tum se khoobsurat lag rahi thii

tum poochho aur main na bataaun aise to haalaat nahin ek zaraa sa dil toota hai aur to koi baat nahin

ye dukkh alag hai ki usse main door ho raha hooñ ye gham juda hai vo KHud mujhe door kar raha hai tere bichhurne par likh raha hooñ main taza ghazlen ye teraa gham hai jo mujh...ko mashhoor kar raha hai

use kisi se mohabbat thii aur vo main nahin tha ye baat mujhse zyaada use rulaati thii

fard-e-bashar ho tum faqat kyun bolte ho tum saqat maghroor ho KHud ilm men ye aib kyun laaye faqat

zabaan meethi rakho ya talkh tum magar sach kehne kii aadat rakho

phool murjha ab gaya hai kaat jab vo daal dii hai

meri nazarein ab us..ko parakhnaa chahti hain yaqeenan yaar rona bilakhnaa chahti hain

waqt kii ab chot hamko raas aise aa gaii hai jabse jeene kii nayi phir aas jaise aa gaii hai zindagi zinda rahe gar phool tab paayenge khil baat ham men aisi dekho yaar kaise aa gaii hai