mere aañsu nahin tham rahe ki vo mujhse juda ho gaya aur tum kah rahe ho ki chhodo ab aisa bhi kya ho gaya may-kadon men meri lainein padhte firte hain log maine jo kuchh bhi pee kar kaha falsafa ho gaya

ham bhi dariyaa hain ha men apna hunar maaloom hai jis taraf bhi chal padenge raasta ho jaayega

jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai

ham vo hain jo KHuda ko bhool ga.e tum meri jaan kis gumaan men ho

teraa chup rahna mere zehan men kya baith gaya itni aawaazen tujhe deen ki gala baith gaya

main ahmiyat bhi samajhta hooñ qahqahon kii magar mazaa kuchh apna alag hai udaas hone ka

maa ke qadmon ke nishaan hain ki diye raushan hain gaur se dekh yahiin par kahiin jannat hogii

saath chalna hai to talwaar utha meri tarah mujhse buzdil kii himayat nahin hone waali

guzishta saal ke zakhamo hare-bhare rahna juloos ab ke baras bhi yahiin se niklega

vo chahta tha ki kaasa khareed le meraa main us ke taaj ki qeemat laga ke laut aaya