tumhaari yaad men jeene ki aarzoo hai abhii kuchh apna haal sambhaaloon agar ijaazat ho

dabii kuchali hui sab khwaahishon ke sar nikal aa.e zaraa paisa hua to chyuntiyon ke par nikal aa.e abhii udte nahin to faakhta ke saath hain bacche akela chhod denge maa ko jis din par nikal aa.e

abhii zinda hai maa meri mujhe kuchh bhi nahin hogaa main ghar se jab nikalta hooñ dua bhi saath chalti hai

udne do parindon ko abhii shokh hawa men phir laut ke bachpan ke zamaane nahin aate

main qissa mukhtasar kar ke zaraa neechi nazar kar ke ye kahtaa hooñ abhii tum se mohabbat ho gaii tum se

KHud-kushi karne men bhi naakaam rah jaate hain ham kaun amrit ghol deta hai hamaare zahar men

dhoop nikli hai baarishon ke b'ad vo abhii ro ke muskuraaye hain

muhabbat uth gayi dono gharo se suna hai ek KHat pakda gaya hai