us ke honton pe rakh ke hont apne baat hi ham tamaam kar rahe hain

chal gaya hogaa pata ye aapko be-vafa kahte hain ladke aapko ik zaraa se husn par itni akad tu samjhti kya hai apne aapko

naqsha utha ke koi naya shahar dhoondhiye is shahar men to sab se mulaqaat ho gaii

apne chehre se jo zaahir hai chhupaayen kaise teri marzi ke mutaabiq nazar aayen kaise

vo paas kya zaraa sa muskuraa ke baith gaya main is mazaaq ko dil se laga ke baith gaya darkhat kaat ke jab thak gaya lakadhara to ik darkhat ke saa.e men ja ke baith gaya

ek main ne hi ugaae nahin khvaabon ke gulaab tu bhi is jurm men shaamil hai meraa saath na chhod

vo meraa jab na ho sakaa to phir yahii saza rahe kisi ko pyaar jab karoon vo chhup ke dekhta rahe