use kisi se mohabbat thii aur vo main nahin tha ye baat mujhse zyaada use rulaati thii

tumhein ham bhi sataane par utar aayen to kya hogaa tumhaara dil dukhaane par utar aayen to kya hogaa ha men badnaam karte phir rahe ho apni mehfil men agar ham sach bataane par utar aayen to kya hogaa

muddatein guzar gayi hisaab nahin kiyana jaane ab kiske kitne rah ga.e ham

tum bahut KHush rahogi mere saath vaise har ik ki apni marzi hai

tu kisi aur hi duniya men mili thii mujhse tu kisi aur hi mausam ki mahak laai thii dar raha tha ki kahii zakham na bhar jaayen mere aur tu mutthiyaan bhar-bhar ke namak laai thii

Teri vafaa men mili aarzu e maut mujhe

suna raha hooñ unhen jhoot-moot ik qissa ki ek shakhs mohabbat men kaamyaab raha

yuñ to marne ke li.e zahar sabhi peete hain zindagi tere li.e zahar piya hai main ne

aur to koii bataata nahin is shahar ka haal ishtihaaraat hi deewaar ke padh kar dekhen

nikale ga.e is ke ma'ni hazaar ajab cheez thii ik meri khaamushi