likh ke ungli se dhool pe koi KHud hansa apni bhool pe koi yaad karke kisi ke chehre ko rakh gaya hont phool pe koi

dekha hai zindagi ko kuchh itne qareeb se chehre tamaam lagne lage hain ajeeb se

gulaab KHvaab davaa zahar jaam kya kya hai main aa gaya hooñ bataa intizaam kya kya hai

main chahta hooñ mohabbat mujhe fana kar de fana bhi aisa ki jis ki koi misaal na ho

main chahta tha ki us ko gulaab pesh karoon vo KHud gulaab tha us ko gulaab kya deta

pahle dil se naqsh mitaaye jaate hain mez se phir tasveer hata dii jaati hai

the KHuda ko maanne waale badi taadaad men hai ta'ajjub par KHuda ki maanta koi na tha

dekho duaayein maang ke haasil karo ha men ham vo nahin jo aapko khairaati men mile