itnaa sangeen paap kaun kare mere dukh par vilaap kaun kare chetna mar chuki hai logon ki paap par pashchaataap kaun kare

mujhe sharaab pilaai gaii hai aankhoñ se meraa nasha to hazaaron baras men utarega

tumhaari aankhoñ ki tauheen hai zara socho tumhaara chaahne vaala sharaab peeta hai

kuchh bhi bacha na kehne ko har baat ho gaii aao kahii sharaab piyein raat ho gaii

sharaab kheenchi hai sab ne gareeb ke khun se tu ab ameer ke khun se sharaab paida kar

na pooch haal mira chob-e-khushk-e-sehra hooñ laga ke aag mujhe kaarwaan ravana hua

be-ginati bose lenge rukh-e-dil-pasand ke aashiq tire parhe nahin ilm-e-hisaab ko

uth gaii hain saamne se kaisi kaisi sooraten roiyie kis ke li.e kis kis ka maatam keejie

kuchh nazar aata nahin us ke tasavvur ke siva hasrat-e-deedaar ne aankhoñ ko andha kar diya