pyaar do baar thodii hota hai ho to phir pyaar thodii hota hai yahii behtar hai tum use roko mujhse inkaar thodii hota hai

hosh waalon ko khabar kya be-khu dii kya cheez hai ishq kijeye phir samjhiye zindagi kya cheez hai

tumhein ham bhi sataane par utar aayen to kya hogaa tumhaara dil dukhaane par utar aayen to kya hogaa ha men badnaam karte phir rahe ho apni mehfil men agar ham sach bataane par utar aayen to kya hogaa

KHud se bhi mil na sako itne paas mat hona ishq to karna magar devdaas mat hona dekhna chaahna phir maangna ya kho dena ye saare khel hain in men udaas mat hona

kis se izhaar-e-muddaa kijeye aap milte nahin hain kya kijeye

bas ab to daaman-e-dil chhod do bekar umeedo bahut dukh sah li.e maine bahut din jee liya maine

lo aaj ham ne tod diya rishta-e-umeed lo ab kabhi gilaa na karenge kisi se ham

dulhan banii hui hain raahen jashn manao saal-e-nau ke

zulm phir zulm hai badhta hai to mit jaata hai KHoon phir KHoon hai tapkega to jam jaayega

faqeer-e-shahr ke tan par libaas baaki hai ameer-e-shahr ke armaan abhii kahaan nikle