udaasi ka sabab do chaar gham hote to kah deta fulaan ko bhool baitha hooñ fulaan kii yaad aati hai

main tumhein badduaen deta hooñ taaki tum meraa dard jaan sako tum jise chahte ho mar jaa.e aur tum uske baad zinda raho

tum iska nuksaan bataati achchhii lagti ho varna hamko shauq nahin hai cigarette-noshi ka

manzilon ka kaun jaane rahguzar achchhii nahin uski aañkhen khoobsurat hai nazar achchhii nahin

main kya bataaun vo kitna qareeb hai mere meraa khayal bhi us..ko sunaai deta hai vo jisne aankh ata ki hai dekhne ke li.e usii ko chhod ke sab kuchh dikhaai deta hai

ai zabt dekh ishq kii un ko khabar na ho dil men hazaar dard uthe aankh tar na ho

kaun si ja hai jahaan jalwa-e-maashooq nahin shauq-e-deedaar. agar hai to nazar paida kar

shab-e-visaal bahut kam hai aasmaañ se kaho ki jod de koi tukda shab-e-judaai ka

putliyaan tak bhi to phir jaati hain dekho dam-e-naz'a vaqt padta hai to sab aankh chura jaate hain

ameer ab hichakiyaañ aane lagii hain kahii main yaad farmaaya gaya hooñ