ghar men bhi dil nahin lag raha kaam par bhi nahin ja raha jaane kya KHauf hai jo tujhe choom kar bhi nahin ja raha raat ke teen bajne ko hai yaar ye kaisa mahboob hai jo gale bhi nahin lag raha aur ghar bhi nahin ja raha

teraa chup rahna mere zehan men kya baith gaya itni aawaazen tujhe deen ki gala baith gaya

muskuraa baithe hain tujhko muskurata dekh kar varna teri muskurahat ki qasam ghusse men hain

tujhe kaise ilm na ho sakaa badi door tak ye khabar gaii tire shahar hi ki ye shaayera tire intizaar men mar gaii

meri duniya men koi cheez thikaane pe nahin bas tujhe dekh ke lagta hai ki sab achha hai

vo tamasha o khel holi ka sab ke tan rakht-e-kesari hai yaad

az kabeer-o-rang-e-kesar aur gulaal abr chaaya hai safed-o-zard-o-laal