koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

kuchh baat hai ki hasti mitati nahin hamaari sadiyon raha hai dushman daur e zamaan hamaara

jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai

ye dukkh alag hai ki usse main door ho raha hooñ ye gham juda hai vo KHud mujhe door kar raha hai tere bichhurne par likh raha hooñ main taza ghazlen ye teraa gham hai jo mujh...ko mashhoor kar raha hai

ishq men ye daava to naiiñ hai main hi awwal aaunga lekin itnaa kah saka hooñ achchhe number laaunga

vo meherbaan hai to iqaar kyun nahin karta vo bad-gumaan hai to sau baar aazmaaye mujhe

tez dhoop men aayi aisi lehar sar dii ki mom ka har ik putla bach gaya pighalne se

khula hai jhooth ka bazaar aao sach boleinna ho bala se khareedaar aao sach bolein

apne honton par sajaana chahta hooñ aa tujhe main gungunaana chahta hooñ

door tak chhaaye the baadal aur kahii saaya na tha is tarah barsaat ka mausam kabhi aaya na tha