muddaton baad ik shaKHs se milne ke li.e aaina dekha gaya baal sanwaare ga.e

raqeeb aakar bataate hain yahaañ til hai vahaañ til hai ha men ye jaankaari thii miyaan pahle bahut pahle

ye uski mohabbat hai ki rukta hai tere paas varna teri daulat ke siva kya hai tere paas

ham ko mita sake ye zamaane men dam nahin ham se zamaana KHud hai zamaane se ham nahin

mujhe pahle pehal lagta tha zaati mas'ala hai main phir samjha mohabbat qaaynaati mas'ala hai parinde qaid hain tum chahchahaahat chahte ho tumhein to achha khaasa nafsyaati mas'ala hai

vafaa ka ahd tha dil ko sambhaalne ke li.e vo hañs pade mujhe mushkil men daalne ke li.e

ro raha tha god men ammaan ki ik tifl-e-haseen is tarah palkon pe aañsu ho rahe the be-qaraar jaise diwali ki shab halki hawa ke saamne gaav ki neechi munderon par charaaghon ki qataar