is se pahle ki tujhe aur sahaara na mile main tire saath hooñ jab tak mire jaisa na mile

hawa chali to uski shawl meri chat pe aa giri ye us badan ke saath meraa pehla raabta hua

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ye goongon ki mehfil hai nikalna hi padega kya itni khata kam hai ki ham bol pade hain

abhii zinda hai maa meri mujhe kuchh bhi nahin hogaa main ghar se jab nikalta hooñ dua bhi saath chalti hai

bosa honton ka mil gaya kis ko dil men kuchh aaj dard meetha hai

mahroom hooñ main khidmat-e-ustaad se muneer kolkata mujh ko gor se bhi tang ho gaya

ustaad ke ehsaan ka kar shukr muneer aaj ki ahl-e-sukhan ne tiri taa'riif badi baat