dhoop men niklo ghataon men naha kar dekho zindagi kya hai kitaabon ko hata kar dekho

gale to lagana hai us se kaho abhii lag jaa.e yahii na ho meraa us ke baghair jee lag jaa.e main aa raha hooñ tere paas ye na ho ki kahii teraa mazaak ho aur meri zindagi lag jaa.e

sukhun ka josh kam hota nahin hai wagarana kya sitam hota nahin hai bhale tum kaat do baazu hamaare qalam ka sar qalam hota nahin hai

ik kali ki palkon par sard dhoop thehri thii ishq ka mahina tha husn ki dupahri thii KHvaab yaad aate hain aur phir daraate hain jaagna bataata hai neend kitnii gahri thii

nigah-e-garm christmas men bhi rahi ham par hamaare haq men december bhi maah-e-june hua