uljh karke teri agar men yuñ aabaad ho jaaun ki jaise lucknow ka main ameenabad ho jaaun main yamuna ki tarah tanhaa nihaaru taaj ko kab tak koi ganga mile to main ilahaabad ho jaaun

ye pyaar teri bhool hai qubool hai main sang hooñ tu phool hai qubool hai tu roothegi to main manaaunga nahin jo rule hai vo rule hai qubool hai

teri aankhoñ men jo ik qatra chhupa hai main hooñ jisne chhup chhup ke teraa dard saha hai main hooñ ek patthar ki jise aanch na aayi tu hai ek aaina ki jo toot chuka hai main hooñ

bhej deta hooñ magar pahle bataa doon tujh ko mujh se milta nahin koi mirii tasveer ke baad

teri nigaah-e-naaz se chhoote hue darakht mar jaayen kya karen bataa sukhe hue darakht hairat hai ped neem ke dene lage hain aam pagla ga.e hain aapke choo men hue darakht

gul sa tu teraa saath KHushboo sa haath men teraa haath KHushboo sa ho ke tujh se juda bhatkata hooñ gul se bichhdi anaath KHushboo sa

search karna hai mujhe be-kaar internet par dhadkano men apni meraa naam kar google kabhi

mujh se do din alag rahi hai tu dekh to kaisi lag rahi hai tu ho gaya raakh jal ke main lekin dheere-dheere sulag rahi hai tu

chaand chehra mujhe qubool nahin ab samajhne men koi bhool nahin aankh bas aankh hi hai jheel nahin hont bas hont hi hain phool nahin

o meri solmet janmon se hai tu hi fevret janmon se is janam men to meri ho jaana kar raha hoon main wait janmon se