ham apni jaan ke dushman ko apni jaan kahte hain mohabbat ki isee miTTi ko hindustan kahte hain

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

mujh ko bhi unhin men se koi ek samajh le kuchh masale hote hain na jo hal nahin hote

mehrbaan ham pe har ik raat hua karti thii aankh lagte hi mulaqaat hua karti thii hijr ki raat hai aur aankh men aansoo bhi nahin aise mausam men to barsaat hua karti thii

mere honton pe apni pyaas rakh do aur phir socho ki is ke baa'd bhi duniya men kuchh paana zaroori hai

jab bulan dii ka gumaan tha to nahin yaad aayi apni parvaaz se toote to zameen yaad aayi vahii aañkhen ki jo eemaan-shikan aañkhen hain unhin aankhoñ ki ha men daawat-e-deen yaad aayi

tune socha bhi hai jaanaan ki tere vaade ne kitnii sadiyon se nahin pahna amal ka paikar

kabhi na laut ke aaya vo shakhs kahtaa tha zara sa hijr hai bas sarsari bichhadna hai

ye meri zid hi galat thii ki tujhsa ban jaaun main ab na apni tarah hooñ na tere jaisa hooñ

asad ye shart nahin hai koi muhabbat men ki jisse pyaar karo uski aarzoo bhi karo