mujh ko bhi unhin men se koi ek samajh le kuchh masale hote hain na jo hal nahin hote

mere honton pe apni pyaas rakh do aur phir socho ki is ke baa'd bhi duniya men kuchh paana zaroori hai

kitne aish se rahte honge kitne itraate honge jaane kaise log vo honge jo us ko bhaate honge

ghar men bhi dil nahin lag raha kaam par bhi nahin ja raha jaane kya KHauf hai jo tujhe choom kar bhi nahin ja raha raat ke teen bajne ko hai yaar ye kaisa mahboob hai jo gale bhi nahin lag raha aur ghar bhi nahin ja raha

maine jo kuchh bhi socha hua hai main vo vaqt aane pe kar jaaunga tum mujhe zahar lagte ho aur main kisi din tumhein pee ke mar jaaunga

ham ne hañs hañs ke teri bazm men ai paikar-e-naaz kitnii aahon ko chhupaaya hai tujhe kya maaloom

ab kise hai dimaagh-e-tohmat-e-ishq kaun sunta hai baat phoolon kii

raat bhar dard ki shama' jaltee rahi gham ki lau thartharati rahi raat bhar

aap ki yaad aati rahi raat bhar chashm-e-nam muskuraati rahi raat bhar