aaj ik aur baras beet gaya us ke baghair jis ke hote hue hote the zamaane mere

itnaa sangeen paap kaun kare mere dukh par vilaap kaun kare chetna mar chuki hai logon ki paap par pashchaataap kaun kare

bheegin palken dekh kar tu kyun ruka hai KHush hooñ main vo to meri aankh men kuchh aa gaya hai KHush hooñ main vo kisi ke saath KHush tha kitne dukkh ki baat thii ab mere pahluu men aa kar ro raha hai KHush hooñ main

faasle aise bhi honge ye kabhi socha na tha saamne baitha tha mere aur vo meraa na tha

pyaas agar meri bujha de to main jaanu varna tu samandar hai to hogaa mere kis kaam ka hai

nazar se tum ko mile na koii suraagh dil ka jhuka ke gardan bujha liya hai charaaghh dil ka sunoon na kaise karoon na kyunkar main apne dil kii mere alaava hai kaun is bad-dimaagh dil ka

kaisa mujh ko banaa diya ammaar kaun sa rang bhar ga.e mujh men

kaise kaise banaa diye chehre apni be-chehergi banaate hue

KHud hi jaane lage the aur KHud hi raasta rok kar khade hue hain

dil aaj shaam se hi use dhoondhne laga kal jis ke baa'd kamre men tanhaaii aayi thii