kitna mahfooz hooñ main kone men koi archan nahin hai rone men maine us..ko bacha liya varna doob jaata mujhe dubone men

maut ne saari raat hamaari nabz tatoli aisa marne ka maahol banaya hamne ghar se nikle chauk ga.e phir park men baithe tanhaaii ko jagah-jagah bikhrāya hamne

main kya bataaun vo kitna qareeb hai mere meraa khayal bhi us..ko sunaai deta hai vo jisne aankh ata ki hai dekhne ke li.e usii ko chhod ke sab kuchh dikhaai deta hai

meri tanhaaii dekhenge to hairat hi karenge log mohabbat chhod denge ya mohabbat hi karenge log

kitna aasaan tha tire hijr men marna jaanaan phir bhi ik umr lagii jaan se jaate jaate

ye kya ki vo jab chahe mujhe cheen le mujh se apne li.e vo shaKHs tadpata bhi to dekhooñ

us se ik baar to roothoon main usii kii maanind aur meri tarah se vo mujh ko manaane aa.e

ye dukh nahin ki andhero se sulh kii hamne malaal ye hai ki ab subah kii talab bhi nahin

tujh ko kya ilm tujhe haarne waale kuchh log kis qadar sakht nadaamat se tujhe dekhte hain

kal raat jo eendhan ke li.e kat ke giraa hai chidiyon ko bahut pyaar tha us boodhe shajar se