ye alag baat ki KHaamosh khade rahte hain phir bhi jo log bade hain vo bade rahte hain

teri soorat se hai aalam men bahaaron ko sabaat teri aankhoñ ke siva duniya men rakha kya hai

ye dukkh alag hai ki usse main door ho raha hooñ ye gham juda hai vo KHud mujhe door kar raha hai tere bichhurne par likh raha hooñ main taza ghazlen ye teraa gham hai jo mujh...ko mashhoor kar raha hai

baat karo roothe yaaron se sannaaton se dar jaate hain pyaar akelaa jee leta hai dost akelaa mar jaate hain

use kisi se mohabbat thii aur vo main nahin tha ye baat mujhse zyaada use rulaati thii

bosa honton ka mil gaya kis ko dil men kuchh aaj dard meetha hai

ustaad ke ehsaan ka kar shukr muneer aaj ki ahl-e-sukhan ne tiri taa'riif badi baat

mahroom hooñ main khidmat-e-ustaad se muneer kolkata mujh ko gor se bhi tang ho gaya